સુરેન્દ્રનગર પોલીસે, પોન્ઝી સ્કીમના નામે પડાલેવા 3.49 કરોડના વાહન જપ્ત કર્યાં છે. સોલાર પ્લાન્ટ માટે ભાડેથી વાહનો મુકવાની લાલચ આપી 4 ઇસમોની ટોળકીએ રાજ્યવ્યાપી કૌભાંડ આચર્યુ હતું. પંચમહાલ, દાહોદ સહિતના જિલ્લાઓમાંથી 51 વાહન છેતરપીંડીથી મેળવી અને ગીરવે મૂકી કરોડોની છેતરપિંડી કરાઈ હોવાનો ધડાકો પોલીસે કર્યો છે. 38 ટ્રેકટર, 3 JCB મશીન, ડમ્પર અને કાર સહિતનો મુદામાલ જપ્ત કરવામાં આવ્યો છે. મૂળી પોલીસ મથક વાહન મુકવા નાનું પડ્યું છે. અરજણ જોગરાણાની ધરપકડ કરી આગળની કાર્યવાહી હાથ ધરવામાં આવી છે.