ગાંધીધામ શહેરમાં તસ્કરોનો આતંક વધતાં ગણતરીના ૨૪ કલાકમાં જ વાહન ચોરીના બે બનાવો બનતાં સન્નાટો મચી ગયો છે, જેમાં એક વાહનની ચોરી ચાવલા ચોકમાંથી અને બીજી બાઇકની ચોરી એમ. પી. પટેલ સ્કૂલ પાસેથી થઈ છે. આશ્ચર્યજનક રીતે આ બંને ચોરીની ઘટનાઓ નજીકના CCTV કેમેરામાં સ્પષ્ટપણે કેદ થઈ ગઈ છે. બનાવ અંગેની જાણ થતાં જ પોલીસે સીસીટીવી ફૂટેજ કબજે કરીને વાહન ચોર આરોપીઓને ઝડપી પાડવા માટે આગળની કાયદેસરની કાર્યવાહી હાથ ધરી છે.