રાજકોટ, તા. ૭ : ગુજરાતમાં નવેમ્‍બરની શરૂઆત સાથે જ રાત્રિના તાપમાનમાં ઘટાડો નોંધાતા ઠંડીનો ચમકારો અનુભવાઈ રહ્યો છે. ૬ નવેમ્‍બરની સવારે નોંધાયેલા લઘુત્તમ તાપમાન મુજબ વડોદરામાં ૧૭ ડિગ્રી, નલિયામાં ૧૭.૨, અમરેલીમાં ૧૭.૮, રાજકોટમાં ૧૮.૬, ગાંધીનગરમાં ૧૯, મહુવામાં ૧૮.૫ તથા અમદાવાદમાં ૨૦.૮ ડિગ્રી તાપમાન રહ્યું હતું. ખાસ કરીને સૌરાષ્‍ટ્ર-કચ્‍છ અને ઉત્તર ગુજરાતના કેટલાક વિસ્‍તારોમાં વહેલી સવારે ઠંડક વધી છે. જોકે બપોરના સમયે ગરમીનું પ્રમાણ યથાવત્‌ રહેતાં રાત-દિવસના તાપમાનમાં મોટો તફાવત જોવા મળી રહ્યો છે.