નવી દિલ્હી:  જોનાથન ટ્રોટ અફઘાનિસ્તાન ક્રિકેટ બોર્ડ (ACB) દ્વારા તેમનો કાર્યકાળ એક વર્ષ લંબાવવામાં આવ્યા બાદ 2025 ના અંત સુધી અફઘાનિસ્તાનના મુખ્ય કોચ રહેશે. તેનો આગામી પ્રવાસ ઝિમ્બાબ્વેનો હશે પરંતુ અંગત કારણોસર તે માત્ર ODI ફોર્મેટ માટે જ ઉપલબ્ધ રહેશે. તેની ગેરહાજરીમાં હમીદ હસન મુખ્ય કોચ અને નવરોઝ મંગલ સહાયક કોચ તરીકે જોવા મળશે.2024માં ટીમની સફળતાને ધ્યાનમાં રાખીને ACBએ ટ્રોટનો કાર્યકાળ લંબાવ્યો છે. આ વર્ષે, અફઘાનિસ્તાને ગ્રુપ અને સુપર 8 તબક્કામાં ન્યુઝીલેન્ડ અને ઓસ્ટ્રેલિયાને હરાવીને T20 વર્લ્ડ કપની સેમિફાઇનલમાં જગ્યા બનાવી છે. આ પછી, શારજાહમાં વનડે શ્રેણીમાં પણ તેઓ દક્ષિણ આફ્રિકા અને બાંગ્લાદેશ બંનેને હરાવી ચૂક્યા છે. જ્યારે ગયા વર્ષે અફઘાનિસ્તાને ODI વર્લ્ડ કપમાં પાકિસ્તાન, ઈંગ્લેન્ડ અને શ્રીલંકા જેવી ટીમોને હરાવી હતી.અફઘાનિસ્તાન આવતા વર્ષની ચેમ્પિયન્સ ટ્રોફીમાં પ્રથમ વખત ભાગ લેશે. ODI વર્લ્ડ કપના પોઈન્ટ ટેબલમાં ટોપ આઠમાં રહેવાને કારણે તેમને આ ટૂર્નામેન્ટમાં એન્ટ્રી મળી છે.ટ્રોટનો કાર્યકાળ જુલાઈ 2022 માં શરૂ થયો હતો અને તેનો 18 મહિનાનો કરાર જાન્યુઆરી 2024 માં લંબાવવામાં આવ્યો હતો. ટ્રોટની નિમણૂક પછી, અફઘાનિસ્તાને 34 માંથી 14 ODI જીતી છે જ્યારે 44 T20 માંથી 20 જીતી છે.