રોયલ ચેલેન્જર્સ બેંગ્લુરુએ IPL 2025 માટે તેમના નવા કેપ્ટન તરીકે રજત પાટીદારની જાહેરાત કરી છે. RCB એ સોશિયલ મીડિયા પોસ્ટ્સ અને લાઈવ સેશન દ્વારા રજત પાટીદારને નવા કેપ્ટન તરીકે જાહેર કર્યા હતા.

RCB એ ગુરુવારે જાહેરાત કરી કે રજત પાટીદાર ટીમના નવા કેપ્ટન હશે અને તેમના નેતૃત્વમાં ટીમ આઈપીએલમાં પ્રથમ ટાઇટલ જીતવાના ઈરાદા સાથે મેદાનમાં ઉતરશે. સ્ટાર બેટ્સમેન વિરાટ કોહલી પણ કેપ્ટનશીપની રેસમાં હતો, પરંતુ ટીમ મેનેજમેન્ટે પાટીદારના નામની જાહેરાત કરી છે. ગયા વર્ષે આરસીબીની કપ્તાની ફાફ ડુ પ્લેસિસે કરી હતી. જો કે ટીમે તેને આ વખતે રિટેન કર્યો ન હતો.

રજત પાટીદાર શરૂઆતથી જ કપ્તાનીની રેસમાં હતા. પાટીદાર એ પસંદગીના ખેલાડીઓમાં સામેલ છે જેમને ફ્રેન્ચાઇઝી દ્વારા આગામી સિઝન માટે રિટેન કરવામાં આવ્યા હતા. પાટીદારને સૈયદ મુશ્તાક અલી ટ્રોફી અને વિજય હજારે ટ્રોફીમાં મધ્યપ્રદેશનું નેતૃત્વ કરવાનો અનુભવ છે. 31 વર્ષીય પાટીદારે મધ્યપ્રદેશને સૈયદ મુશ્તાક અલી ટી20 ટ્રોફીની ફાઇનલમાં પહોંચાડ્યું હતું પરંતુ ફાઇનલ મેચમાં મુંબઈ સામે પાંચ વિકેટથી હારી ગયા હતા. આ ટુર્નામેન્ટમાં તેઓ બીજા ક્રમે સૌથી વધુ રન બનાવનાર ખેલાડી હતા