મુંબઈ: યુઝવેન્દ્ર ચહલને ડેટ કરતી વખતે આરજે મહવશે ચોંકાવનારો ખુલાસો કર્યાે છે અને કહ્યું કે ૧૯ વર્ષની ઉંમરે સગાઈ મારી સગાઈ થઈ ગઈ હતી. હવે હું હું સંપૂર્ણપણે સિંગલ છું અને જયારે લગ્ન વિષે ગંભીર બનીશ ત્યારે જ ડેટિંગ કરીશ.ક્રિકેટર યુઝવેન્દ્ર ચહલનું અંગત જીવન છેલ્લા કેટલાક સમયથી ખૂબ જ ચર્ચામાં છે. પત્ની ધનશ્રી વર્માથી અલગ થયા પછી આ ચર્ચા વધી ગઈ. તે પછી, આઈસીસી ચેમ્પિયન્સ ટ્રોફી દરમિયાન તેને મહવશ સાથે જોઈને લોકો વિચારમાં પડી ગયા. તેમના ફોટા તરત જ ઓનલાઈન વાયરલ થઈ ગયા, જેના કારણે બંને વચ્ચે અફેર હોવાની અટકળો શરૃ થઈ ગઈ. જોકે યુઝવેન્દ્રએ આ બાબતે કોઈ ટિપ્પણી કરવાનું પસંદ કર્યું નથી, પરંતુ આરજે મહવાશે તાજેતરમાં જ આ વિશે વાત કરી અને કહ્યું કે 'હું સંપૂર્ણપણે સિંગલ છું.'યુવા સાથેના તાજેતરના ઇન્ટરવ્યુમાં, આરજે મહવશે તેના રિલેશનશિપ સ્ટેટસ વિશેના પ્રશ્નોના જવાબ આપ્યા. સોશિયલ મીડિયા પર્સનાલિટીએ કહ્યું કે તે હાલમાં સિંગલ છે અને આજના વિશ્વમાં લગ્ન વિશે તેના વિચારો પણ શેર કર્યા.મહવશે કહ્યું કે તે એવી છોકરી છે જે લગ્નની વાત આવે ત્યારે જ ડેટિંગ વિશે વિચારશે કારણ કે તે કેઝ્યુઅલ સંબંધોમાં માનતી નથી. તેણીએ એમ પણ કહ્યું કે તેણીએ લગ્નની યોજનાઓ હાલ પૂરતી મુલતવી રાખી છે કારણ કે તેણીને જીવનના આ તબક્કે સંબંધ બાંધવામાં મુશ્કેલી પડી રહી છે. આ જ વાતચીત દરમિયાન, આરજે મહવાશે એક ચોંકાવનારો ખુલાસો કર્યાે, જેમાં તેણે જણાવ્યું કે તેની સગાઈ ૧૯ વર્ષની નાની ઉંમરે થઈ ગઈ હતી.જોકે, આ સગાઈ લાંબો સમય ટકી ન હતી અને બે વર્ષ પછી આ સંબંધનો અંત આવ્યો. તેણીએ વધુમાં કહ્યું કે તે અલીગઢના એક નાના શહેરથી આવે છે જ્યાં પ્રવર્તમાન માનસિકતા યોગ્ય પતિ શોધવા અને લગ્ન કરીને સ્થાયી થવા સુધી મર્યાદિત હતી, જેને જીવનનું અંતિમ લક્ષ્ય માનવામાં આવતું હતું.આરજે માહવાશ અને યુઝવેન્દ્ર ચહલના રિલેશનશિપની અફવાઓ ઘણા સમયથી ચાલી રહી છે. ક્રિકેટરના કથિત છૂટાછેડાના સમાચાર ઓનલાઈન આવ્યા પછી તરત જ આ અટકળો શરૃ થઈ ગઈ હતી, તે જ સમયે તે પહેલીવાર સોશિયલ મીડિયા પ્રભાવક સાથે પણ જોવા મળ્યો હતો.