17 જૂન 2025: ક્રિકેટ ચાહકો માટે મોટા સમાચાર! ઈંગ્લેન્ડ સામેની ટેસ્ટ શ્રેણી શરૂ થવામાં હવે ગણતરીના દિવસો બાકી છે, ત્યારે ટીમ ઈન્ડિયામાં એક નવો ચહેરો જોવા મળી શકે છે. હર્ષિત રાણા, જે ઈન્ડિયા-એ ટીમ સાથે ઈંગ્લેન્ડના પ્રવાસે હતો, તેને સ્વદેશ પરત ફરવાને બદલે ત્યાં જ રોકાઈ જવા માટે કહેવામાં આવ્યું છે. આ ઘટનાક્રમથી તેના ટેસ્ટ ટીમમાં સમાવેશની અટકળોએ જોર પકડ્યું છે.

રોહિત શર્મા, વિરાટ કોહલી અને રવિચંદ્રન અશ્વિન જેવા દિગ્ગજ ખેલાડીઓની નિવૃત્તિ બાદ, યુવા કેપ્ટન શુભમન ગિલના નેતૃત્વમાં ભારતીય ટીમે ઈંગ્લેન્ડમાં પોતાની તૈયારીઓને આખરી ઓપ આપી દીધો છે. ટીમે ત્રણ વોર્મ-અપ મેચ રમી, જેમાં ઈંગ્લેન્ડ લાયન્સ સામેની બે મેચ અને એક ઈન્ટ્રા-સ્ક્વોડ મેચનો સમાવેશ થાય છે. આ જ સમયે, ઈન્ડિયા-એ ટીમ પણ ઈંગ્લેન્ડમાં હતી, જેમાં સરફરાઝ ખાન, ઋતુરાજ ગાયકવાડ, અંશુલ કંબોજ, ખલીલ અહેમદ અને હર્ષિત રાણા જેવા પ્રતિભાશાલી ખેલાડીઓ સામેલ હતા.

એક અહેવાલ મુજબ, જ્યારે ઈન્ડિયા-એના બાકીના ખેલાડીઓ ભારત પરત ફરી રહ્યા છે, ત્યારે હર્ષિત રાણાને ઈંગ્લેન્ડમાં જ રહેવા સૂચના આપવામાં આવી છે. જોકે, તેણે ઈંગ્લેન્ડ લાયન્સ સામે માત્ર એક જ મેચ રમી હતી અને એક વિકેટ ઝડપી હતી, તેમ છતાં આ નિર્ણય ટીમ મેનેજમેન્ટની યોજનાઓ પર સવાલ ઉભા કરે છે.

ભારતીય ટેસ્ટ ટીમમાં પહેલેથી જ જસપ્રિત બુમરાહ, મોહમ્મદ સિરાજ, પ્રસિદ્ધ કૃષ્ણા, આકાશ દીપ અને અર્શદીપ સિંહ જેવા ઝડપી બોલરો છે. જોકે, 
શું હર્ષિત રાણા ખરેખર ટેસ્ટ ટીમમાં સ્થાન મેળવીને સૌને ચોંકાવી દેશે? 20 જૂનથી શરૂ થતી ટેસ્ટ શ્રેણીમાં આ રહસ્ય પરથી પડદો ઉચકાશે!

ઈંગ્લેન્ડ સામે ભારતીય ટેસ્ટ ટીમ:
શુભમન ગિલ (કેપ્ટન), ઋષભ પંત (વાઈસ-કેપ્ટન), યશસ્વી જયસ્વાલ, કેએલ રાહુલ, સાઈ સુદર્શન, અભિમન્યુ ઈશ્વરન, કરુણ નાયર, નીતીશ કુમાર રેડ્ડી, રવિન્દ્ર જાડેજા, ધ્રુવ જુરેલ, વોશિંગ્ટન સુંદર, શાર્દુલ ઠાકુર, જસપ્રિત બુમરાહ, પી. ક્રિષ્ના, મોહમ્મદ સિરાજ, આકાશ દીપ, અર્ષદીપ સિંહ,  અને કુલદીપ યાદવ.