નવી દિલ્હી: એશિયા કપ ૨૦૨૫ની શરૂઆત ૯ સપ્ટેમ્બરથી થવાની છે, તે પહેલા ભારતીય ક્રિકેટ કંટ્રોલ બોર્ડ (BCCI) એ એક મહત્વપૂર્ણ નિર્ણય લીધો છે. બોર્ડે સ્પષ્ટ કર્યું છે કે ટીમમાં સમાવિષ્ટ ૫ રિઝર્વ ખેલાડીઓ ભારતીય ટીમ સાથે UAE જશે નહીં. તેઓ ત્યારે જ ટીમ સાથે જોડાશે જ્યારે કોઈ ખેલાડી ઈજાને કારણે ટુર્નામેન્ટમાંથી બહાર થશે. આ નિર્ણય પાછળનું કારણ મુસાફરીમાં લોકોની સંખ્યા ઓછી રાખવાનું છે. 
જો કોઈ ખેલાડી ગંભીર ઈજાને કારણે બહાર થાય છે, તો મેડિકલ સ્ટાફ તેનો રિપોર્ટ એશિયન ક્રિકેટ કાઉન્સિલ (ACC)ની ટેકનિકલ કમિટીને મોકલશે. કમિટીની મંજૂરી બાદ જ રિઝર્વ ખેલાડી ટીમમાં સામેલ થઈ શકશે.
ભારતીય ટીમ ૪ સપ્ટેમ્બરે UAE જવા રવાના થશે અને ૫ તથા ૬ સપ્ટેમ્બરે તાલીમ સત્રમાં ભાગ લેશે.
ભારતીય ટીમનું સંપૂર્ણ સમયપત્રક:
* ૧૦ સપ્ટેમ્બર: UAE સામે પ્રથમ મેચ
* ૧૪ સપ્ટેમ્બર: પાકિસ્તાન સામે બીજી મેચ
* ૧૯ સપ્ટેમ્બર: ઓમાન સામે ત્રીજી મેચ 
એશિયા કપ ૨૦૨૫ માટે ભારતીય ટીમ
ટીમ: સૂર્યકુમાર યાદવ (કેપ્ટન), શુભમન ગિલ (વાઇસ-કેપ્ટન), સંજુ સેમસન (વિકેટકીપર), અભિષેક શર્મા, તિલક વર્મા, અક્ષર પટેલ, હાર્દિક પંડ્યા, શિવમ દુબે, અર્શદીપ સિંહ, જસપ્રીત બુમરાહ, જીતેશ શર્મા (વિકેટકીપર), વરુણ ચક્રવર્તી, હર્ષિત રાણા, રિંકુ સિંહ, કુલદીપ યાદવ.
રિઝર્વ ખેલાડીઓ: પ્રસિદ્ધ કૃષ્ણા, વોશિંગ્ટન સુંદર, ધ્રુવ જુરેલ, રિયાન પરાગ, યશસ્વી જયસ્વાલ.