યુવા ખેલાડીઓને તક આપવા સ્ટોર્ક ટી-૨૦માંથી નિવૃતિ લીધી, હવે ટેસ્ટ અને વન-ડે જ રમશે
ભારતનો પ્રવાસ, એશિઝ અને ૨૦૨૭ના વન-ડે વર્લ્ડકપ ઉપર ધ્યાન કેન્દ્રીત કરશે
નવી દિલ્હીઃ ઓસ્ટ્રેલિયાના ખતરનાક ફાસ્ટ બોલર મિશેલ સ્ટાર્કે નિવૃત્તિની જાહેરાત કરીને બધાને આﾍર્યચકિત કરી દીધા છે. સ્ટાર્કે ટી૨૦ ઇન્ટરનેશનલમાંથી નિવૃત્તિ લીધી છે. તેણે આવતા વર્ષે ભારત-શ્રીલંકા દ્વારા આયોજિત વ્૨૦ વર્લ્ડ કપ પહેલા આ મોટો નિર્ણય લીધો છે. સ્ટાર્ક હવે કાંગારુ ટીમ માટે ફક્ત ODI અને ટેસ્ટ ફોર્મેટમાં જ રમતા જોવા મળશે. તેનું લક્ષ્ય ઇંગ્લેન્ડ સામેની એશિઝ શ્રેણી અને ૨૦૨૭માં ODI વર્લ્ડ કપમાં ટીમને વિજય અપાવવાનું છે.
સ્ટાર્ક ઓસ્ટ્રેલિયા માટે ૬૫ ટી૨૦ આંતરરાષ્ટ્રીય મેચ રમ્યો છે. આ દરમિયાન, તેણે ૭૯ વિકેટ લીધી. સ્ટાર્કે ૨૦૧૨ માં દુબઈમાં પાકિસ્તાન સામે પોતાની પહેલી ટી૨૦ આંતરરાષ્ટ્રીય મેચ રમી હતી. તેની છેલ્લી મેચ ૨૦૨૪ ટી૨૦ વર્લ્ડ કપ દરમિયાન ભારત સામે હતી. સ્ટાર્કે ૨૦૨૧ માં કાંગારૂ ટીમને ટી૨૦ વર્લ્ડ કપ જીતવામાં મદદ કરવામાં મુખ્ય ભૂમિકા ભજવી હતી. તે ટુર્નામેન્ટમાં, સ્ટાર્કે ૭ મેચમાં ૯ વિકેટ લીધી હતી.
ટી૨૦ આંતરરાષ્ટ્રીય ક્રિકેટમાંથી નિવૃત્તિની જાહેરાત કરતા સ્ટાર્કે કહ્યું, ટેસ્ટ ક્રિકેટ હંમેશા મારી પ્રાથમિકતા રહી છે. ઓસ્ટ્રેલિયા માટે મેં રમેલી દરેક ટી૨૦ મેચની દરેક ક્ષણ મને ખૂબ ગમતી રહી છે, ખાસ કરીને ૨૦૨૧ વર્લ્ડ કપ. માત્ર એટલા માટે નહીં કે અમે જીત્યા, પણ એટલા માટે પણ કારણ કે તે એક અદ્વુત જૂથ હતું અને અમને ખૂબ મજા આવી.
ડાબા હાથના ઝડપી બોલરે કહ્યું કે તે હવે આગામી ભારતના ટેસ્ટ પ્રવાસ, એશિઝ અને ૨૦૨૭ ના બ્ઝત્ વર્લ્ડ કપ પર વધુ ધ્યાન કેન્દ્રિત કરવા માંગે છે. આવતા વર્ષે ૨૦૨૬ના ટી૨૦ વર્લ્ડ કપને જોતા, સ્ટાર્ક માને છે કે આ નિવૃત્તિ લેવાનો યોગ્ય સમય છે જેથી પસંદગીકારોને યુવા ખેલાડીઓને તૈયાર કરવાની તક મળે.(૪૦.૧૬)
(10:15 AM IST)
છેલ્લા 8 દિવસમાં સૌથી લોકપ્રિય 
