ICC વિમેન્સ T20 વર્લ્ડકપ 2026માં ભારતીય ટીમે હેડિંગ્લી સ્ટેડિયમ ખાતે નેધરલેન્ડ વિમેન્સ ટીમ સામે ગ્રુપ A માં પોતાની બીજી મેચ રમી, જે તેમને 95 રનના મોટા માર્જિનથી જીતી. આ મેચમાં નેધરલેન્ડ વિમેન્સ ટીમના કેપ્ટન બેબેટ ડી લીડે ટોસ જીતીને પ્રથમ બોલિંગ કરવાનો નિર્ણય લીધો. 

પ્રથમ બેટિંગ કરતા ભારતીય વિમેન્સ ટીમે 20 ઓવરમાં 5 વિકેટ ગુમાવીને 209 રન બનાવ્યા. ટાર્ગેટનો પીછો કરતા, નેધરલેન્ડ મહિલા ટીમ 17.3 ઓવરમાં 114 રનમાં ઓલઆઉટ થઈ ગઈ, જેમાં શ્રી ચરણી અને શેફાલી વર્માની બોલિંગે ધૂમ મચાવી. આ જીત સાથે ટીમ ઈન્ડિયા હવે ગ્રુપ A પોઈન્ટ ટેબલમાં ટોપ પર પહોંચી ગઈ છે.

ભારતીય મહિલા ટીમ તરફથી સ્મૃતિ મંધાના અને શેફાલી વર્માની ઓપનિંગ જોડીએ આખરે શાનદાર પ્રદર્શન કર્યું અને આ મેચમાં પ્રથમ વિકેટ માટે 115 રનની શાનદાર સદીની પાર્ટનરશીપ કરી, જેમાં ટીમ ઈન્ડિયા તરફથી શેફાલી વર્માએ 55 રનની શાનદાર ઈનિંગ રમી, જ્યારે સ્મૃતિ મંધાનાના બેટથી 74 રનની શાનદાર અડધી સદીની ઇનિંગ રમી. આ સિવાય રિચા ઘોષના બેટથી 20 રનની અણનમ ઈનિંગ રમી. નેધરલેન્ડ્સ તરફથી બોલિંગમાં કેરોલિન ડી લેંગે સૌથી વધુ 2 વિકેટ લીધી.

આ મેચમાં જ્યારે નેધરલેન્ડની મહિલા ટીમ ટાર્ગેટનો પીછો કરવા ઉતરી ત્યારે તેમને હીથર સીઝર્સના રૂપમાં 34 રનના સ્કોર પર પોતાની પહેલી વિકેટ ગુમાવી દીધી, ત્યારબાદ નિયમિત અંતરાલે તેમની વિકેટો પડવા લાગી. આ મેચમાં નેધરલેન્ડની વિમેન્સ ટીમ માટે સૌથી વધુ સ્કોર તેમની કેપ્ટન બેબેટ ડી લીડેનો હતો, જેને 28 રન બનાવ્યા હતા. 

જ્યારે નેધરલેન્ડ ટીમની 7 બેટ્સમેન બે આંકડાનો આંકડો પણ સ્પર્શી શકી ન હતી. ભારતીય મહિલા ટીમ માટે બોલિંગમાં શ્રી ચરણીએ 4 વિકેટ, શેફાલી વર્માએ 3 વિકેટ, નંદિની શર્માએ 2 વિકેટ અને દીપ્તિ શર્માએ 1 વિકેટ લીધી.