ઓકલેન્ડ તા.28  ભારત અને ન્યૂઝીલેન્ડ વચ્ચે શુક્રવારે ઓકલેન્ડના ઈડન પાર્કમાં રમાનારી ચોથી T20 ઈન્ટરનેશનલ મેચની તમામ ટિકિટ વેચાઈ ગઈ છે.

ન્યૂઝીલેન્ડ ક્રિકેટ (NZC) એ સત્તાવાર નિવેદનમાં જણાવ્યું છે કે, "શુક્રવારે રાત્રે લગભગ 40 હજારથી વધુ દર્શકો ઈડન પાર્કમાં ઉમટી પડશે." આ ઈડન પાર્કના ઈતિહાસની ત્રીજી સૌથી મોટી ભીડ હશે.

આ મેચ દ્વિપક્ષીય સિરીઝમાં દર્શકોનો નવો રેકોર્ડ બનાવશે. અગાઉ 2019માં ભારત સામેની જ ડબલ હેડર મેચમાં 36,523 દર્શકો આવ્યા હતા, તે રેકોર્ડ તૂટશે.

ઈડન પાર્કમાં આજ સુધી માત્ર બે વાર જ આનાથી વધુ ભીડ થઈ છે - 1982માં ઓસ્ટ્રેલિયા સામે 42,000 અને 2015 વર્લ્ડ કપ સેમિફાઈનલમાં 41,279 દર્શકો.

આ T20 સિરીઝની ચોથી સોલ્ડ આઉટ મેચ છે. પહેલી બે મેચ હેગ્લી ઓવલમાં અને પાંચમી મેચ સેડન પાર્કમાં પણ હાઉસફૂલ છે.

NZC મુજબ, ભારતના આ પ્રવાસમાં અત્યાર સુધીમાં 1,26,000થી વધુ ટિકિટ વેચાઈ છે, જેમાંથી 71,000 તો માત્ર T20 સિરીઝની છે.