નવી દિલ્‍હીઃ ૨૦૨૬ કોમનવેલ્‍થ ગેમ્‍સમાં ભારતીય રમતવીરોએ પોતાની તાકાત અને પ્રતિભાનો પરચો બતાવવાનું શરૂ કરી દીધું છે. ભારતની સ્‍ટાર મહિલા વેઇટલિફટર મીરાબાઈ ચાનુએ ફરી એકવાર ઐતિહાસિક પ્રદર્શન કરીને ૧૯૦ કિલો વજન ઉંચકીને સમગ્ર દેશનું માથું ગર્વથી ઊંચું કર્યું છે. તેમણે ૨૦૨૬ કોમનવેલ્‍થ ગેમ્‍સમાં ભારત માટે સફળતાનો બોહણી રસ્‍તો ખોલતા સૌથી પહેલો ગોલ્‍ડ મેડલ (સુવર્ણચંદ્રક) દેશના નામે કર્યો છે. સ્‍પર્ધાના પ્રારંભથી જ મીરાબાઈ ચાનુનો આત્‍મવિશ્વાસ છલકાતો હતો. પોતાની શ્રેણીમાં સ્‍નેચ અને ક્‍લીન એન્‍ડ જર્કના રાઉન્‍ડ્‍સમાં તેમણે અદભુત પ્રદર્શન કર્યું હતું. વિરોધી ખેલાડીઓ તરફથી કડક ટક્કર મળવા છતાં, મીરાબાઈએ પોતાના અનુભવ અને કઠિન પરિશ્રમના બળે આસાનીથી વજન ઊંચકીને પોઈન્‍ટ ટેબલમાં ટોચનું સ્‍થાન મેળવ્‍યું હતું. આ સાથે જ તેમણે ભારતનો આ રમતોત્‍સવમાં પહેલો ગોલ્‍ડ મેડલ પાક્કો કરી લીધો હતો.મીરાબાઈ ચાનુની આ ઐતિહાસિક સિદ્ધિ બાદ દેશભરમાં ખુશીની લહેર ફરી વળી છે. રમતજગત, રાજકીય અગ્રણીઓ અને બોલીવુડ હસ્‍તીઓ સહિત સમગ્ર દેશવાસીઓ તેમના પર અભિનંદનની વર્ષા કરી રહ્યા છે. ખેલ નિષ્‍ણાતોના મતે, મીરાબાઈના આ સુવર્ણ મેડલથી ભારતીય ટુકડીનો ઉત્‍સાહ અને મનોબળ બમણું થશે, જે આગામી સ્‍પર્ધાઓમાં દેશ માટે વધુ મેડલો લાવવામાં મદદરૂપ સાબિત થશે.