નવી દિલ્‍હી : સ્‍પેન સામે રમાયેલી રોમાંચક અને મહત્ત્વપૂર્ણ ફાઈનલ મેચમાં પરાજય બાદ આર્જેન્‍ટીનાના દિગ્‍ગજ ફૂટબોલર લિયોનેલ મેસી પોતાના આવેગ પર કાબૂ રાખી શકયા નહોતા અને મેદાન પર જ રડી પડ્‍યા હતા. સ્‍પેને શાનદાર રમત દાખવીને ફાઈનલ જીતી લીધી હતી. જેના કારણે મેસી અને તેમની ટીમનું ટ્રોફી ઊંચકવાનું સપ્ન રોળાઈ ગયું હતું. આ હૃદયસ્‍પર્શી ક્ષણે સમગ્ર રમત જગત અને તેમના કરોડો ચાહકોને ભાવુક કરી દીધા હતા.

જોકે, આ દુઃખદ હાર વચ્‍ચે પણ મેસીએ રમત ઈતિહાસમાં પોતાનું નામ વધુ એક વાર સુવર્ણ અક્ષરે અંકિત કરી લીધું છે. આ ફાઈનલ રમવાની સાથે જ તેમણે એક ઐતિહાસિક રેકોર્ડ પોતાના નામે કર્યો છે. તેઓ આ સ્‍તરની આંતરરાષ્‍ટ્રીય ટુર્નામેન્‍ટની ફાઈનલમાં સૌથી વધુ વાર રમનારા અને અનેક દાયકાઓ સુધી સાતત્‍યપૂર્ણ દેખાવ કરનારા વિશ્વના બહુ ઓછા ખેલાડીઓની યાદીમાં ટોચ પર પહોંચી ગયા છે. હાર છતાં, મેસીનો આ ઐતિહાસિક રેકોર્ડ તેમની અદભુત કારકિર્દી અને ફૂટબોલ પ્રત્‍યેના સમર્પણની સાક્ષી પૂરે છે.