ખૂબ ટૂંકા ગાળામાં આજે પેટ્રોલ-ડિઝલની કિંમતમાં ચોથી વખત તોતીંગ વધારો ઝીંકાયો છે. કિંમતોનો આ ભડકો સમગ્ર અર્થતંત્રને દઝાડી રહ્યો છે. માર્કેટમાં ફૂગાવા જેવી અંધાધુંધી સર્જાઇ રહી છે. સતત  ભાવવધારાથી અરાજક્‍તાનો માહોલ બન્‍યો છે. ઈંધણના ભાવવધારાથી અન્‍ય વસ્‍તુની કિંમતો પણ વધી રહી છે.

આ સ્‍થિતિમાં સામાન્‍ય માણસ તો પરેશાન છે જ સાથે મહાકાય ગણાતી કંપનીઓના મેનેજમેન્‍ટ પણ ગોટે ચઢી રહ્યા છે. વ્‍યુહ અને કુનેહમાં માસ્‍ટર ગણાતી મોદી સરકારની કસોટી શરૂ  થઇ છે. વિપક્ષ માટે અનુકુળ માહોલ છે, પણ રણનીતિ વગરનો વિપક્ષ માત્ર નિવેદનો કરીને સંતોષ  માને છે. લોકોએ ધૈર્ય રાખવું અનિવાર્ય છે, સરકારે પોતાની તાકાત વાપરીને કિંમતો પર કાબૂ મેળવવો જોઈએ.

ઇંધણના ભાવ સીધા ટ્રાન્‍સપોર્ટેશન ખર્ચને અસર કરે  છે. શાકભાજીથી માંડીને અનાજ સુધીની તમામ ચીજો મોંઘી થઇ છે. બજારમાં ગ્રાહકોની ખરીદશક્‍તિ સતત ઘટી રહી છે. નાણાકીય સંતુલન ખોરવાતાં વેપારીઓ પણ ચિંતિત  છે. ફૂગાવાનો ગ્રાફ ઊંચો જતાં આર્થિક મંદીનો ભય તોળાઈ રહ્યો છે.

સામાન્‍ય નાગરિક અને કોર્પોરેટ જગતની કટોકટી શરૂ  થઇ છે. મધ્‍યમ વર્ગનું બજેટ સંપૂર્ણપણે  વેરવિખેર થઈ ગયું છે. રોજિંદા ખર્ચને પહોંચી વળવું  હવે અત્‍યંત મુશ્‍કેલ બન્‍યું છે. બીજી તરફ, ઉત્‍પાદન ક્ષેત્રની મોટી કંપનીઓનો કાચો માલ મોંઘો થયો છે. માર્જિન ઘટવાના કારણે કંપનીઓ માટે નફો જાળવવો અશકય બન્‍યો છે. લોજિસ્‍ટિક્‍સ મેનેજમેન્‍ટ ખોરવાઈ જતાં આયોજનો નિષ્‍ફળ નીવડી રહ્યા છે. સરકારની કસોટી અને વિપક્ષની ભૂમિકા મહત્‍વના બન્‍યા છે.

કેન્‍દ્ર સરકારની આર્થિક નીતિઓ સામે પ્રશ્નાર્થ ચિﾎો ઊભા થયા છે. વૈશ્વિક પરિસ્‍થિતિઓ ગમે તેવી હોય, આંતરિક બજારને સ્‍થિર રાખવું અનિવાર્ય છે. ટેક્‍સના માળખામાં ફેરફાર કરીને રાહત આપવી અત્‍યંત જરૂરી છે. વિરોધ પક્ષો માત્ર રાજકીય રોટલા શેકવામાં વ્‍યસ્‍ત છે. તેમની પાસે વૈકલ્‍પિક આર્થિક મોડલ કે નક્કર રણનીતિનો અભાવ દેખાઈ આવે છે.

આ ગંભીર કટોકટીમાંથી બહાર નીકળવા માટે કડક પગલાં લેવા પડશે. લોકો અત્‍યારે ભારે આક્રોશ વચ્‍ચે પણ ધૈર્ય રાખીને બેઠા છે. સરકારે ઇંધણ પરના ટેક્‍સ ઘટાડીને તાત્‍કાલિક જનતાને મલમ લગાવવો જોઈએ. જો કિંમતો પર ત્‍વરિત કાબૂ નહીં મેળવાય, તો અર્થતંત્રને મોટું નુકસાન થતાં કોઈ રોકી નહીં શકે. (૩.૨)