Gujarati News

Gujarati News

News of Friday, 11th September 2020

રાષ્ટ્રીય સ્વયંસેવક સંઘના સરસંઘ ચાલક ડો. મોહનજી ભાગવતનો આજે જન્મ દિવસ

રાજકોટ તા. ૧૧: રાષ્ટ્રીય સ્વયંસેવક સંઘના સરસંઘચાલકજી પૂ. ડો. મોહનજી ભાગવતનો આજે જન્મ દિવસ છે. તેમનો જન્મ ૧૧ સપ્ટેમ્બર ૧૯પ૦ના દિવસે મહારાષ્ટ્રના વિદર્ભના ચંદ્રપુર ગામમાં થયો. તેમના પિતા મા. મધુકરરાવજી ભાગવત ૧૯૯૪ થી ૧૯પ૧ સુધી ગુજરાતમાં સંઘના પ્રાંત પ્રચારક હતા. તેમની મિષ્ટ વાણી અને મિષ્ટ વ્યવહારે આ છ વર્ષના ગાળામાં ગુજરાતનાં લગભગ ૧૧પ ગામોમાં સંઘકાર્યની શાખાઓની જાળ પાથરી હતી. તેઓએ પંજાબરાવ કૃષિ વિદ્યાપીઠમાંથી વેટરનરી ડોકટરોની ઉપાધિ મેળવેલ છે. ઘરમાં સંઘનું જ વાતાવરણ હતું. માતાજી પણ રાષ્ટ્રસેવિકા સમિતિનું કામ કરતાં. શિશુવયથી જ મોહનજી સંઘની શાખામાં જવા લાગ્યા. વર્ષ ૧૯૭પમાં સંઘના પ્રચારક તરીકે નીકળ્યા. એ સમયગાળામાં જ કટોકટી જાહેર થતાં તેમણે ભૂગર્ભવાસ કરીને સંઘકાર્યનું દિશાદર્શન કર્યું. કટોકટી દરમિયાન પિતાજી, માતાજી અને ભાઇની ધરપકડ થઇ. મોહનજી ભૂર્ગમાં, એટલે નાના બે ભાઇ બહેને હિંમતથી ઘર સંભાળ્યું અને વહેવાર ચલાવ્યો. કટોકટી દૂર થતાં ૧૯૭૭માં નાગપુર અને વિદર્ભ વિભાગ પ્રચારકની જવાબદારી સોંપાઇ, ૧૯૮૭માં અખિલ ભારતીય સહસરકાર્યવાહની જવાબદારી સોંપાઇ, વર્ષ ૧૯૯૧માં અખિલ ભારતીય શિક્ષણ પ્રમુખની અને વર્ષ ૧૯૯૯ માં અખિલ ભારતીય પ્રચારક પ્રમુખની જવાબદારીઓ સોંપાઇ. વર્ષ ર૦૦૦માં સંઘના સરકાર્યવાહ મા. શૈષાદ્રિજીએ શારીરિક નાદુરસ્તીને કારણે નિવૃત્તિ લેતાં મોહનજીને અખિલ ભારતીય સરકાર્યવાહકની જવાબદારી સોંપાઇ જે તેમણે ર૦૦૯ સુધી સુપેરે નિભાવી અને હાલ સંઘના સરસંઘચાલકજીની જવાબદારી નિભાવી રહ્યા છે.

(3:26 pm IST)
  • જાણીતા શ્રમિક નેતા હસુભાઈ દવે અને તેમના લઘુબંધુ આરએસએસના નેતા નરેન્દ્રભાઈ દવે સહિતના પરિવારજનોને કોરોના : કેએસપીસીના પ્રમુખ મહાત્મા ગાંધી લેબર ઈન્સ્ટીટ્યુટના વાઈસ ચેરમેન અને દેશના જાણીતા શ્રમિક નેતા હસુભાઈ દવે અને તેમના લઘુબંધુ આરએસએસના પ્રાતસહઃ વ્યવસ્થા પ્રમુખ નરેન્દ્રભાઈ દવે સહિતના પરિવારને કોરોના પોઝીટીવ : ચિંતાની લાગણી access_time 11:19 am IST

  • રસ્તો ક્રોસ કરી રહેલા ઉત્તર પ્રદેશના ભાજપના ધારાસભ્ય દેવેન્દ્ર પ્રતાપ સિંહને વાહને અડફેટે લઇ લીધા : ચા પીવા ઉભા રહ્યા બાદ રસ્તો ઓળંગી રહ્યા હતા ત્યારે પુરપાટ ઝડપે જઈ રહેલા વાહને ટક્કર મારી દીધી : ગંભીર હાલતમાં લખનૌ હોસ્પિટલમાં દાખલ access_time 8:37 pm IST

  • " ગમ ભૂલાનેકે લિયે મૈં તો પીયે જાતા હૂં " : દુઃખ ભૂલવા માટે ડ્રગ્સ લેવું પડતું હોય છે : ડ્રગ્સ લેનારની દુર્દશા અને મજબૂરીઓ વિશે કોઈને ખ્યાલ સુદ્ધા નથી હોતો : પૂજા ભટ્ટની ફિલોસોફી access_time 6:10 pm IST