Gujarati News

નાગિન સિરિયલમાં અગાઉ કામ કરી ચુકેલો અભિનેતા પર્લ પુરી હવે બાલાજી ટેલિફિલ્મ્સના શો બ્રહ્મરાક્ષસની બીજી સિઝનમાં જોવા મળશે. ઝી ટીવી પર આ શો શરૂ થઇ રહ્યો છે. શોમાં સોનગઢની કહાની છે. પર્લ પુરીએ કહ્યું હતું કે આ મારો ત્રીજો સુપરનેચરલ શો છે. જેમા હું અંગદનું પાત્ર ભજવવા ખુબ ઉત્સાહી છું. કેમ કે અંગદની પોતાની રમૂજ હોય છે. તે લેડિઝમેન જેવો દેખાય છે. મારા અગાઉના રોલ કરતાં આ તદ્દન અલગ છે. કાલિંદીના રોલમાં પર્લ સાથે નિક્કી શર્માને લેવામાં આવી છે. નિક્કીએ કહ્યું હતું કે હું લીડ રોલ નિભાવી રહી છું. મને થ્રિલર શોમાં કામ મળ્યું એ વધુ ઉત્સાહ આપનારું છે. આ પાત્ર થકી મને અનેક પ્રયોગો કરવાની તક મળશે. કલાકારોનો આત્મા  અલગ-અલગ રોલનો પ્રયોગો કરવામાં જ સમાયેલો હોય છે. આ રોલ પોતાની રીતે પડકારજનક પણ છે. હું મારી નવી સફર શરૂ કરી ખુબ ખુશ છું.