Gujarati News

Gujarati News

News of Monday, 26th October 2020

સુભાષ ધઇ ત્રણ ફિલ્મો બનાવશેઃ ઝી સ્ટુડિયોઝ સાથે હાથ મિલાવ્યો

મુકતા આર્ટ્સની ૪૨મી એનિવર્સરીએ થઇ જાહેરાત

મુંબઇ તા. ૨૬: બોલીવૂડમાં એક સમયે શો-મેનનું બિરૂદ મેળવનારા સુભાષ ધઈએ તેમના પ્રોડકશન મુકતા આર્ટ્સ હેઠળ નવી ત્રણ ફિલ્મોની જાહેરાત કરી છે. આ ફિલ્મને તેઓ ઝી સ્ટુડિયોઝ સાથે મળીને પ્રોડ્યુસ કરશે. મુકતા આર્ટ્સની  ૪૨મી એનિવર્સરી નિમિતે સુભાષ ધઇએ આ જાહેરાત કરી છે. ૧૯૭૮ની ૨૪ ઓકટોબરે સુભાષ ધઈએ મુકતા આર્ટ્સની શરૂઆત કરી હતી. આ પ્રોડકશન હેઠળ તેમની પહેલી ફિલ્મ 'કર્ઝ' હતી. ૨૪ ઓકટોબર તેમની વેડિંગ-એનિવર્સરી પણ છે, આથી કર્ઝ બાદ તેમણે ૨૪ ઓકટોબરે ફિલ્મની જાહેરાત કરવાનું ટ્રેડિશન શરૂ કર્યું હતું અને એ જ ટ્રેડિશન હેઠળ આ વખતે પણ તેમણે ત્રણ ફિલ્મની જાહેરાત કરી હતી. જોકે કોની સાથે આ ફિલ્મ બનાવવામાં આવશે અને કયા વિષય પર બનશે એ વિશે કોઈ જાણકારી હજુ આપવામાં આવી નથી. આમ તો સુભાષ ધઇ બોલીવૂડમાં અભિનેતા બનવાના સપના સાથે આવ્યા હતાં. પરંતુ તે એક મોટા ગજાના નિર્દેશક-ફિલ્મકાર બની ગયા હતાં. પોતાનો અભિનયનો શોખ પુરો કરવા તેમની મોટા ભાગની ફિલ્મમાં તેઓ એકાદ સીનમાં અવશ્ય દેખાય છે. તેમની લગભગ દરેક ફિલ્મમાં તેઓ જોવા મળી જ જાય છે.

(11:37 am IST)
  • બાગપતમાં ધોળે દિવસે વેપારીનું અપહરણ : 1 કરોડ રૂપિયાની ખંડણી માંગી : ઉત્તર પ્રદેશમાં મહિલાઓ ,બાળકો ,કે વેપારીઓ, કોઈ સલામત નથી : સરકાર ભાષણબાજી કરવામાંથી નવરી પડતી નથી : પ્રિયંકા ગાંધી access_time 1:48 pm IST

  • નરેન્દ્રભાઈ મોદી વિડીયો કોન્ફરન્સ દ્વારા મંગળવારે તકેદારી અને ભ્રષ્ટાચાર વિરોધી રાષ્ટ્રીય પરિષદનું ઉદઘાટન કરશે. access_time 10:08 pm IST

  • ઓક્સફર્ડ-એસ્ટ્રાઝેનેકાએ તેની પ્રાયોગિક કોરોના વેકસીનના પરીક્ષણો પૂર્ણ કરેલ છે અને BMC ટૂંક સમયમાં તેની ક્લિનિકલ ટ્રાયલ્સનો ત્રીજો તબક્કો મુંબઈમાં શરૂ કરશે. access_time 10:02 pm IST