Gujarati News

Gujarati News

News of Thursday, 10th September 2020

અમદાવાદના રામોલ રિંગ રોડ પર બોલેરો જીપને અકસ્માત કરી નુકશાન કરનાર ટ્રક ડ્રાઇવર પાસે જીપ ચાલકે પૈસા માંગતા ટ્રક ડ્રાઇવરે યુવકને ટ્રક નીચે કચડી હત્યા કરીઃ આરોપી ટ્રક ડ્રાઇવર ફરારઃ પોલીસે ફરાર આરોપીને રાજસ્થાનથી પકડી પાડયો

અમદાવાદઃ રામોલ રિંગ રોડ પર ટોલટેકસ પર ચાર દિવસ અગાઉ બોલેરો જીપને અકસ્માત કરી નુકશાન કરનાર ટ્રક ડ્રાઇવર પાસે ભોગ બનનાર જીપ ચાલકે પૈસા માંગતા ઉશ્કેરાયેલા ટ્રક ડ્રાઇવરે યુવકને ટ્રક નીચે કચડી નાખી હત્યા કરી અને આરોપી ટ્રક ડ્રાઇવર ફરાર થઇ ગયો હતો. પોલીસે ઝડપી કાર્યવાહી હાથ ધરી ફરાર આરોપીને રાજસ્થાથી પકડી પાડયો હતો.

ખેડા જીલ્લાના ફતેપુર ગામનો રહેવાસી રાજેશ રમેશ પરમાર (ઉં,32) તેના કાકાના દીકરા અલ્પેશ પરમાર જોડે બોલેરો જીપ લઈને ગત 5મીના રોજ મહેસાણા મકાઈ ડોડાની ડિલિવરી કરવા ગયો હતો. રામોલ (Ramol) રિંગરોડ ટોલટેક્સ પર સવારે 6.15 વાગ્યે વાહનોની લાંબી કતાર હોવાથી રાજેશ જીપ લઈને લાઈનમાં ઉભો હતો. તે સમયે આવેલી ટ્રકે રાજેશની જીપને પાછળથી ટક્કર મારતા 10 હજારનું નુકશાન થયું હતું.

ટ્રક ડ્રાઈવર પાસે રાજેશે નુકશાન માંગતા બંને વચ્ચે બોલાચાલી થઈ હતી. ટોલટેક્સ કર્મચારીઓએ બન્નેને વાહનો આગળ લઈ વાતચીત કરવા જણાવતા રાજેશ જીપ આગળ લઈને પહોચ્યો અને સાઈડમાં ઉભી રાખી હતી. ટ્રક ચાલકને રોકવા રાજેશ રોડ પર ઉભો હતો. તે સમયે આવેલા ચાલકે પોતાના ટ્રક નીચે રાજેશને કચડી નાંખી તેની હત્યા કરી ફરાર થઈ ગયો હતો. રામોલ પોલીસે મૃતક રાજેશના ભાઈ અલ્પેશની ફરિયાદ આધારે હત્યાનો ગુનો નોંધી તપાસ હાથ ધરી હતી.

રામોલ પોલીસે ટ્રકના નંબર આધારે તેના માલિકની શોધખોળ કરી બિકાનેરમાં પૂછપરછ કરી હતી. તપાસમાં રાજેશની હત્યાં કરનાર ટ્રક ડ્રાઈવર ડુંગરપુર જિલ્લાનો રહેવાસી રામનિવાસ શ્રીરામદાસ સ્વામી (ઉં,23) હોવાનું ખુલ્યું હતું. રામોલ પિલસે રામનિવાસને ઝડપી લીધો અને પૂછપરછ હાથ ધરી હતી. આરોપીએ પોતાના બચાવ માટે પોલીસ સમક્ષ એવું કારણ આપ્યું કે, રાજેશ ટ્રકની ડ્રાઈવર સાઈડ પર ચડયો અને મારો કોલર પકડ્યો હતો.આથી પોતે ભાગવા માટે ટ્રક ભગાવી હતી. દરમિયાન રાજેશ રોડ પર પટકાતા તેની પર ટ્રકનું વ્હીલ ફરી ગયું હતું. રામોલ પોલીસે આરોપીની સઘન પૂછપરછ હાથ ધરી પૂરાવા એકત્ર કરવાની તજવીજ શરૂ કરી છે.

(12:18 am IST)
  • દેશમાં કોરોના બેફામ બન્યો : નવા 96,760 પોઝિટિવ કેસ નોંધાયા :1213 લોકોના મોત : રાત્રે 12 વાગ્યા સુધીમાં દેશમાં કોરોનના રેકોર્ડબ્રેક નવા 96,760 કેસ ઉમેરાતા કુલ કેસની સંખ્યા 44,59,725 થઇ :9,42,796 એક્ટીવ કેસ : વધુ 70,899 દર્દીઓ સ્વસ્થ થતા કુલ 35,39,983 રીકવર થયા : વધુ 1213 લોકોના મોત સાથે મૃત્યુઆંક 76,304 થયો access_time 1:16 am IST

  • અમદાવાદના પાલડી સર્વે વિસ્‍તારમાં આંબેડકર રિવર બ્રીજની બીજી બાજુ કેન્‍દ્ર સરકારના ઉડ્ડયન ખાતાને જમીન સોંપવામાં આવી છે : અમદાવાદ કોર્પોરશનની સ્‍ટેન્‍ડીંગ કમીટીએ સી પ્‍લેન સર્વિસ માટે સાબરમતી રીવરફ્રન્‍ટ ઉપર વોટર એરોડ્રામ બનાવવા ૪૦૪૭ ચોરસ મીટર જમીન ફાળવી આપી છે : આ વોટર એરોડ્રામનો પ્રારંભ ૩૧ ઓકટોબરે નરેન્‍દ્રભાઈના હસ્‍તે થાય તેવી સંભાવના છે : આ માટે કોન્‍ક્રીટ પ્‍લેટફોર્મ સાબરમતી રીવરફ્રન્‍ટ તરફ રવાના કરવામાં આવ્‍યુ છે : સ્‍પાઈસ જેટ વિમાની સેવા સાબરમતી રીવરફ્રન્‍ટથી સરદાર સરોવર વચ્‍ચે સી પ્‍લેનની સર્વિસ ઓપરેટ કરશે access_time 5:56 pm IST

  • કંગનાની ઓફિસમાં અંદર-બહાર બંને સ્થળે તોડફોડ... : કંગના રણૌતની મુંબઇ ઓફિસમાં અંદર અને બહાર બન્ને જગ્યાએ મુંબઇ કોર્પોરેશન દ્વારા તોડફોડ થયાનું ન્યુઝ ૧૮ જણાવે છે. access_time 6:16 pm IST