Gujarati News

Gujarati News

News of Wednesday, 16th September 2020

કોરોના પેશન્ટની દરેક એમ.ડી.ડોકટરની હોસ્પિટલમાં સારવારની મંજુરી મળવી જોઇએ

ગુજરાત બાર કાઉન્સિલ દ્વારા મુખ્યમંત્રીને પત્ર પાઠવાયો

રાજકોટ,તા. ૧૬: ગુજરાતનાં અને રાજકોટના અસંખ્ય એમ.ડી. ડોકટર જે કોવીડ પેશન્ટની સારવાર કરવા કવોલીફાઇડ છે અને તેમને પોતાની હોસ્પિટલ છે. તેવા તમામને સરળ મંજુરી આપવાથી હાલની કોરોના મહામારીમાં પેશન્ટ હોસ્પિટલમાં સારવાર લઇ શકાશે. તેવો ગુજરાત બાર કાઉન્સિલે મુખ્યમંત્રીશ્રીને પત્ર પાઠવેલ છે.

ગુજરાતમાં મેડીકલ સાયન્સ મુજબ દરેક કવોલીફાઇડ એમ.ડી. ડોકટર કોવીડની સારવાર કરી શકે છે અને તેમને પોતાની હોસ્પિટલો છે. અને તેમની હોસ્પિટલમાં સુવિધા છે. ઓકસીઝન, વેન્ટીલેટર લાઇન મુજબ સારવાર કરવા માટે મંજુરી લેવી પડે છે. તેની પ્રોસીઝર ખુબ લાંબી છે. સરકારમાંથી કલેકટરને અને કલેકટર નીરીક્ષણ કર્યા બાદ લાંબા સમયે મંજુરી મળે છે જેના અભાવે આવા એમ.ડી.ડોકટરો કોરોના પેશન્ટ દર્દીઓની સારવાર કરવાથી વંચીત રહે છે.

આવી અનેક હોસ્પિટલો અને તેના બેડો ખાલી પડેલ છે. માત્ર મંજુરીવાળી લીમીટેડ હોસ્પિટલમાં બેડ ખાલી નથી.  જેના હિસાબે કોવીડના દર્દીઓને ઓકસીઝન, વેન્ટીલેટર વાળા બેડો મળતા નથી અને રાજકોટ અને ગુજરાતમાં મૃત્યુનું પ્રમાણ વધેલ છે. તેથી ઉપર મુજબની સુવિધા શરૂ કરવામાં આવે તો દર્દીઓને સારવાર મળી રહેશે. તેમ બાર.ના પૂર્વ ચેરમેન દિલીપભાઇ પટેલની યાદીમાં જણાવાયું છે.

(2:45 pm IST)
  • દેશના પ્રધાનમંત્રી નરેન્દ્ર મોદી આજે 70 વર્ષના થયા છે. દેશભરમાં ભારતીય જનતા પાર્ટી PM મોદીના જન્મદિવસને 'સેવા સપ્તાહ' તરીકે મનાવી રહી છે. આ સાથે જ દિગ્ગજ નેતાઓ દ્વારા PM મોદીને જન્મદિવસની શુભેચ્છાઓ પાઠવવામાં આવી રહી છે. રાષ્ટ્રપતિ રામનાથ કોવિંદથી લઇને ગૃહમંત્રી અમિત શાહ, રક્ષા મંત્રી રાજનાથસિંહ, કોંગ્રેસ નેતા રાહુલ ગાંધી અને અન્ય મોટા નેતાઓએ પીએમ મોદીને જન્મદિવસની શુભેચ્છા પાઠવી. access_time 9:17 am IST

  • અમિતભાઈ સ્વસ્થ: એઈમ્સમાંથી : રજા આપવામાં આવી : ગૃહ મંત્રી અમિતભાઈ શાહને નવી દિલ્હી ખાતે એઈમ્સ હોસ્પિટલમાંથી આજે રજા આપવામાં આવી છે. તેમને રૂટીન ચેક-અપ માટે 13 સપ્ટેમ્બરે એઇમ્સમાં ફરી દાખલ કરવામાં આવ્યા હતા. access_time 7:30 pm IST

  • ગુજરાત ઉપરાંત દિલ્હી ,ઉત્તરાખંડ ,તામિલનાડુ ,તથા ઉત્તર પ્રદેશમાં 21 સપ્ટેમ્બરથી સ્કૂલો નહીં ખુલે : હરિયાણામાં સ્કૂલો ખુલી જશે : છત્તીસગઢ અને બિહાર હજુ સુધી અવઢવમાં : અનલોક 4 દરમિયાન 21 સપ્ટેમ્બરથી સ્કૂલો ફરીથી ચાલુ કરી શકવાના કેન્દ્ર સરકારના સૂચન સાથે મોટા ભાગના રાજ્યો અસંમત access_time 12:11 pm IST