Gujarati News

Gujarati News

News of Wednesday, 16th September 2020

રાજપીપળા ખાતે કોરોનાના કપરા સમયે મિત ગ્રુપના યુવાનોએ ૬ બીમાર દર્દીઓને લોહી આપી માનવતા મહેકાવી

ગમે ત્યારે ઇમરજન્સી સમયે લોહીની જરૂરિયાત ટાણે હંમેશા ખડેપગે હાજર રહેતા સેવાભાવી મિત ગ્રુપના યુવાનોએ અત્યાર સુધી અનેક દર્દીઓને લોહી આપ્યું છે

(ભરત શાહ દ્વારા) રાજપીપળા : રાજપીપળામાં સેવા કાર્ય કરતું મિત ગ્રુપે નર્મદા જિલ્લામાં ઇમરજન્સી સમયે બ્લડ ડોનેશન માટેની સેવાથી જાણીતું છે. જિલ્લામાં આરોગ્ય ને લગતી અમુક સેવાઓ વારંવાર કથળેલી જોવા મળી છે એવા સંજોગો જિલ્લામાં કામ કરતા ઘણા ગ્રુપના સેવાભાવી યુવાનો જરૂરિયાતમંદોની પડખે હંમેશા ઉભા રહી માનવતા મહેકાવતા હોય છે જેમાં રાજપીપળા મિત ગ્રુપના યુવાનો પણ છાસવારે લોહીની જરૂરિયાત વાળા દર્દીઓની માહિતી મળતા જ લોહી આપવા તુરત જે તે ઠેકાણે પહોંચી જતા હોય છે.જેમાં અત્યાર સુધી આ મિત ગ્રૂપે કેટલાય લોકોને લોહી આપી માનવતા મહેકાવી છે ત્યારે આજે પણ કોરોનાના કપરા સમયે ૬ બીમાર વ્યક્તિઓને તાત્કાલિક લોહીની જરૂરિયાત હતી જેમાં નાનીરાવલ,તારોપા,અમદલા,સાંજરોલી,ભાણદ્રા મળી અલગ અલગ ગામના લોકોને લોહીની તાત્કાલિક જરૂર હોવાની જાણ મિતગ્રુપના પ્રમુખ જીગ્નેશભાઈ થતાં તેમણે મિતગ્રુપ ના સભ્યો ને બોલાવી બ્લડ ની સેવા પુરી પાડી હતી.

(5:34 pm IST)
  • ગુજરાત ઉપરાંત દિલ્હી ,ઉત્તરાખંડ ,તામિલનાડુ ,તથા ઉત્તર પ્રદેશમાં 21 સપ્ટેમ્બરથી સ્કૂલો નહીં ખુલે : હરિયાણામાં સ્કૂલો ખુલી જશે : છત્તીસગઢ અને બિહાર હજુ સુધી અવઢવમાં : અનલોક 4 દરમિયાન 21 સપ્ટેમ્બરથી સ્કૂલો ફરીથી ચાલુ કરી શકવાના કેન્દ્ર સરકારના સૂચન સાથે મોટા ભાગના રાજ્યો અસંમત access_time 12:11 pm IST

  • દેશના પ્રધાનમંત્રી નરેન્દ્ર મોદી આજે 70 વર્ષના થયા છે. દેશભરમાં ભારતીય જનતા પાર્ટી PM મોદીના જન્મદિવસને 'સેવા સપ્તાહ' તરીકે મનાવી રહી છે. આ સાથે જ દિગ્ગજ નેતાઓ દ્વારા PM મોદીને જન્મદિવસની શુભેચ્છાઓ પાઠવવામાં આવી રહી છે. રાષ્ટ્રપતિ રામનાથ કોવિંદથી લઇને ગૃહમંત્રી અમિત શાહ, રક્ષા મંત્રી રાજનાથસિંહ, કોંગ્રેસ નેતા રાહુલ ગાંધી અને અન્ય મોટા નેતાઓએ પીએમ મોદીને જન્મદિવસની શુભેચ્છા પાઠવી. access_time 9:17 am IST

  • " સર કટા શકતે હૈ ,લેકિન સર ઝુકા શકતે નહીં " : હું ક્ષત્રિયાણી છું : સ્વમાનના ભોગે સિદ્ધાંતમાં બાંધછોડ નહીં કરું : રાષ્ટ્રના સન્માન માટે અવાજ ઉઠાવીશ : રાષ્ટ્રવાદી તરીકે જીવીશ : જયહિન્દ : કંગના રનૌતનું ટ્વીટ access_time 1:00 pm IST