Gujarati News

Gujarati News

News of Saturday, 21st November 2020

મોર્નિંગ વોકમાં જતાં યુવકોને ટક્કર વાગતા ૧ યુવકનું મોત

એક યુવકનું વાહન સાથે ૧૦૦ મીટર ઘસડાતાં મોત : મોર્નિંગ વોક ઉપર નીકળેલા બે યુવકોને અજાણ્યો વાહન ચાલક ટક્કર મારી ફરાર : અન્ય એક ગંભીર રીતે ઘાયલ

પાલનપુર, તા. ૨૧ : પાલનપુરમાં હાઇવે પર આજે હિટ એન્ડ રનની ઘટના સામે આવી છે. જેમાં મોર્નિંગ વોક પર નીકળેલા બે યુવકોને અજાણ્યા વાહન ચાલકે ટક્કર મારી ફરાર થતાં એકનું ઘટનાસ્થળે કરુણ મોત નીપજયું હતું.

પાલનપુરમાં આજે વહેલી સવારે ગઠામણના પાટીયા પાસે હિટ એન્ડ રનની ઘટના બની છે. જેમાં ગઠામણ ખાતે રહેતો ચિરાગ પ્રજાપતિ અને તેનો મિત્ર વહેલી સવારે મોર્નિંગ વોક માટે નીકળ્યા હતા. તે દરમિયાન પૂરપાટ ઝડપે આવી રહેલા અજાણ્યા વાહન ચાલક બંને યુવકોને ટક્કર મારી ફરાર થઈ ગયો હતો. વાહન ચાલક એટલો બેફામ હતો કે યુવકને ૧૦૦ મીટર સુધી ઘસડ્યો હતો. ગોઝારા અકસ્માતમાં વાહન નીચે રોડ પર ઘસડાતા ગંભીર રીતે ઇજાગ્રસ્ત થયેલા ચિરાગ પ્રજાપતિનું ઘટનાસ્થળે કરુણ મોત નીપજ્યું હતું. જ્યારે તેના મિત્ર ને ગંભીર ઇજા પહોંચતા સારવાર અર્થે પાલનપુરની સરકારી હૉસ્પિટલ ખાતે ખસેડવામાં આવ્યો છે. બનાવને પગલે પાલનપુર પોલીસ પણ ઘટનાસ્થળે પહોંચી હતી અને મૃતકની લાશને પીએમ અર્થે સરકારી હોસ્પિટલમાં ખસેડી અજાણ્યા વાહનચાલક સામે ગુનો નોંધી વધુ તપાસ હાથ ધરી છે. હિટ એન્ડ રન કયા વાહને કર્યો તે પણ હજી જાણવા મળ્યું નથી. પોલીસ આસપાસનાં સીસીટીવી ફૂટેજ તપાસીને વાહન ચાલકની તપાસ હાથ ધરી છે. બીજી તરફ એકાએક યુવાનનું મૃત્યુ નીપજતા મૃતકનાં પરિવારમાં શોકની લાગણી છવાઇ ગઇ છે. આજે વહેલી સવારે માલવાણ ખેરવા પાસે આવેલા રામાપીર મંદિર પાસે પણ ગમખ્વાર અકસ્માત સર્જાયો છે. જેમાં ડમ્પરે ઇકો કારને અડફેટે લેતા લોકોનાં ઘટના સ્થળે મોત નીપજ્યાં છે. અકસ્માતમાં ઇકો કારમાં આગ લાગી જતા અંદર બેઠેલે તમામ લોકો જીવતા બળીને ખાખ થયા છે. કાર એટલી હદે બળી ગઇ છે કે તેમાં કેટલા સ્ત્રી અને પુરુષ હતા તે પણ ઓળખી શકાતું નથી.

(7:52 pm IST)
  • પેટ્રોલમાં ૧૫ પૈસા અને ડિઝલના ભાવમાં ૨૨ પૈસાનો વધારોઃ પેટ્રોલ ડીઝલના ભાવમાં આજે બીજા દિવસે પણ વધારો થયો છે. પેટ્રોલમાં ૧૫ પૈસા અને ડીઝલનાં ભાવમાં પ્રતિ લિટરે ૨૨ પૈસાનો વધારો થયો છે. ભાવ વધારો આજે સવારે ૬ વાગ્યાથી લાગુ થયો છે. access_time 11:38 am IST

  • રાજસ્થાનમાં કોરોનાએ કાળોકેર વર્તાવ્યો : છેલ્લા 24 કલાકમાં 3007 નવા કેસ નોંધાયા : જયપુર,જોધપુર, ઉદયપુર,બિકાનેર , અલ્વર ,કોટા , અજમેર અને ભીલવાડામાં રાત્રી કર્ફ્યુ લગાડયો access_time 12:33 am IST

  • ચીનના ૧૪ વર્ષના છોકરા રેન કેયુએ દુનિયાના ટોલેસ્ટ ટીનેજર (મેલ) નો ખિતાબ મેળવ્યો છે. તે ૭ ફુટ ૩.૦ર ઇંચ ઊંચો છે. ગિનેસ વર્લ્ડ રેકોડ્ર્સે તેના આ વિક્રમને માન્યતા આપી દીધી છે. access_time 11:38 am IST