Gujarati News

Gujarati News

News of Sunday, 22nd November 2020

અમદાવાદમાં કોરોનાના કહેર વચ્ચે નારણપુરામાં પીવાના પાણીની પાઈપમાં ભંગાણ:અનેક લોકો રોગચાળાની ઝપટે

છેલ્લા ત્રણ દિવસથી 60 થી 70 લોકોને ડાયેરિયાની તકલીફ :સ્થાનિકોને પીવાના પાણીની ટેન્કર પુરા પડાતા રોગચાળો

અમદાવાદ : કોરોનાનાં કહેર વચ્ચે નારણપુરા વોર્ડના પ્રગતિનગર ખાતે પીવાના પાણીની પાઈપલાઈનમાં ભંગાણ થતા પ્રગતિનગર, મૈત્રીનગર અને સ્વાતંત્રસેનાની નગર સોસાયટીના અનેક રહીશોની તબિયત લથડી છે. છેલ્લા ત્રણ દિવસથી 60 થી 70 લોકોને ડાયેરિયાની તકલીફ થઈ છે. પશ્ચિમ ઝોનના એડી. સીટી. એન્જીનિયર ઋષી પંડ્યાએ પાઈપલાઈનનું કામ ચાલુ હોવાનું અને સ્થાનિકોને પીવાના પાણીની ટેન્કર પુરા પાડયાનું જણાવ્યું હતું. જો કે લોકોની તબિયત લથડયાનું કે ડાયેરીયાની તકલીફ થયાનું ધ્યાને ન હોવાનું જણાવ્યું હતું. બીજી તરફ સ્થાનિકોએ જલ્દીથી કામગીરી પુરી થાય તેવી માંગ કરી છે

નારણપુરાના પ્રગતિનગર, મૈત્રીનગર અને સ્વાતંત્રસેનાની નગરના રહીશો પીવાના પાઈપલાઈનમાં ભંગાણ થવાથી બિમારીનો ભોગ બન્યા છે. છેલ્લા ત્રણ દીવસથી સ્થનિકો ઝાડા ઉલ્ટીમાં સપડાયા છે. તત્કાલ ધોરણે પીવાના પાઈપલાઈનનું કામ પૂરું કરવામાં આવે તેવી માંગ ઉઠી છે. 2000 જેટલા લોકો પાણીની પાઈપલાઈનમાં ભંગાણ થવાથી હેરાન થઈ રહ્યા છે. પીવાના પાણીમાં ગટરનું પાણી ભળવાથી લોકોને ઝાડા ઉલટી થયાનું સ્થાનિકો જણાવી રહ્યા છે.

દિવાળીના તહેવારમાં ઝાડ ઉલ્ટીની તકલીફ શરૂ થતાં શરૂમાં લોકોમાં કોરોના હોવાનો ફફડાટ ફેલાયો હતો. જેથી ઘણા લોકોએ કોરોના ટેસ્ટ પણ કરાવી લીધા જેમાં રિપોર્ટ નેગેટિવ આવતા સ્થાનિકોએ તપાસ કરી તો પાણીની પાઈપલાઈનમાં ભંગાણ થયું હોવાનું ધ્યાને આવ્યું હતું.

પશ્ચિમ ઝોનના એડી.સીટી.એન્જીનિયર ઋષિ પંડ્યાએ જણાવ્યું હતું કે, પાણીની પાઈપલાઈનનું કામ આ વિસ્તારમાં ચાલી રહ્યું છે. લોકોને પાણીની ટેન્કર પણ મોકલી આપી છે. જો કે સ્થાનિક લોકોને ઝાડ ઉલ્ટીની તકલીફ થયાની કે તબિયત લથડયાની બાબત મારા ધ્યાને નથી

(11:07 pm IST)
  • ઈરાકમાં આતંકી હુમલો: આઠના મોત:બગદાદ: ઈરાકના સલાહાદિન પ્રાંતમાં આઈએસઆઈએસ આતંકીઓએ હુમલો કરતા 6 સૈનિકો સહિત 8 લોકો માર્યા ગયાના અહેવાલો મળે છે. (પ્રતીકાત્મક તસ્વીર) access_time 12:46 am IST

  • કાઠમંડુમાં ચીન વિરોધી દેખાવો શરૂ થયા : નેપાળના પાટનગર કાઠમંડુથી અહેવાલો મળી રહ્યા છે કે કાઠમંડુમાં ચિન વિરોધી જોરદાર દેખાવો શરૂ થઈ ગયા છે. ચાઈનાએ નેપાળની સરહદે સંખ્યાબંધ જિલ્લાઓમાં જમીનો ઉપર દબાણ કર્યું છે તેના વિરોધમાં આ દેખાવો સર્જાયાનું જાણવા મળે છે.(ફાઇલ તસ્વીર) access_time 10:39 am IST

  • રાજસ્થાનમાં માસ્ક નહીં પહેરો તો હવે ૫૦૦નો દંડ : 9 જિલ્લામાં કફર્યુ : કોરોના કેસોનો રાફડો ફાટતા રાજસ્થાન કેબિનેટે 8 જિલ્લામાં નાઇટ કર્ફ્યુ લાદવાનો નિર્ણય કર્યો છે અને ફેસ માસ્ક ન પહેરવા પર દંડની રકમ 200 રૂપિયાથી વધારીને 500 કરી દીધી છે. રાજસ્થાનમાં પણ અચાનક કોરોના હાહાકાર વર્તાવી રહેલ છે. access_time 3:23 pm IST