Gujarati News

Gujarati News

News of Thursday, 10th September 2020

લો કરો વાત, IRCTCનો હિસ્સો હવે કેન્દ્ર ઘટાડશે

આઈઆરસીટીસીના શેરમાં ભારે કડાકો બોલાયો :IRCTCનો માર્કેટકેપ ૨૧૦૦૦ કરોડનો, હિસ્સો વેચવા ટેન્ડર બહાર પડાયા પણ કેટલો વેચવાનો છે તે સ્પષ્ટતા નથી

નવી દિલ્હી, તા. ૯ :કેન્દ્ર સરકાર જાણીતી રેલવે એપ અને કંપની આઈઆરસીટીસીમાં રહેલો પોતાનો ૧૫થી ૨૦ ટકા  હિસ્સેા વેચવા વિચારી રહી છે.  બુધવારે શેરબજારમાં આઈઆરસીટીસીના શેરના ભાવમાં કડાકો બોલ્યો હતો. લગભગ સાત ટકા જેટલો આ કડાકો હતો. માર્કેટ કેપની વાત કરીએ તો બજારમાં આઈઆરસીટીસીનો માર્કેટ કેપ રૂપિયા ૨૧,૦૦૦ કરોડનો છે.

સપ્તાહના ત્રીજા દિવસે આજે સવારે આઈઆરસીટીસીના શેરના ભાવમાં ૨.૫૭ ટકા ઘટી જતાં ૧૩૭૮ રૂપિયા પાંચ પૈસા પર આ શેરની લેવડદેવડ થતી હતી. એટલે કે માત્ર બે દિવસમાં આઈઆરસીટીસીના શેરના ભાવમાં સાત ટકા જેટલો કડાકો બોલી ગયો હતો. નાણાં ખાતાના મૂડી રોકાણ વિભાગ દ્વારા ટેન્ડર બહાર પડી ચૂક્યા હતા. કંપનીઓ પાસે બોલીઓ મંગાવવામાં આવી હતી પરંતુ આઈઆરસીટીસીનો કેટલો હિસ્સો વેચાઉ છે એની સ્પષ્ટતા કરાઇ નહોતી એટલે સંભવિત કંપનીઓ  આગળ આવી નહોતી. જે કંપનીઓએ બોલી કરવા માટે કેટલાક સવાલો પૂછ્યા હતા તેમના સવાલ જવાબ નાણાં ખાતાએ સોશ્યલ મિડિયા પર મૂકી દીધા હતા. નાણાં ખાતાના સંબંધિત વિભાગે એવો અણસાર આપ્યો હતો કે આઈઆરસીટીસીના પોતાના હિસ્સામાંથી સરકાર ૧૫થી ૨૦ ટકા હિસ્સો વેચવાના મૂડમાં હતી. અત્યારે સરકારની આઈઆરસીટીસીમાં ૮૭. ૪૦ ટકા  ભાગીદારી છે.

(12:00 am IST)
  • સરહદ ઉપર ટેન્સન વધતું જ જાય છે? અરૂણાચલની સરહદે આખું ગામ ખાલી થઇ ગયું : અરૂણાચલ પ્રદેશના તવાંગ નજીકથી મેકમોહન લાઇન નજીકના ગ્રામજનોએ તેમનું ગામડું ખાલી કરી નાખ્યું હોવાનું ઇસ્ટમોજો જણાવે છે. અરૂણાચલ પ્રદેશના ઝેમીથાંગ સર્કલથી ૩૦ કી.મી. દૂર સરહદે આવે તાકસાંગ નામનું ગામ છોડીને ગ્રામજનો ભાગી ગયા છે. access_time 11:31 am IST

  • આત્‍મનિર્ભર ભારત યોજના માટે હાઈવે મંત્રાલયે ૧૦ હજાર કરોડ ફાળવ્‍યા છે access_time 5:57 pm IST

  • દેશમાં કોરોના બેફામ બન્યો : નવા 96,760 પોઝિટિવ કેસ નોંધાયા :1213 લોકોના મોત : રાત્રે 12 વાગ્યા સુધીમાં દેશમાં કોરોનના રેકોર્ડબ્રેક નવા 96,760 કેસ ઉમેરાતા કુલ કેસની સંખ્યા 44,59,725 થઇ :9,42,796 એક્ટીવ કેસ : વધુ 70,899 દર્દીઓ સ્વસ્થ થતા કુલ 35,39,983 રીકવર થયા : વધુ 1213 લોકોના મોત સાથે મૃત્યુઆંક 76,304 થયો access_time 1:16 am IST