Gujarati News

Gujarati News

News of Thursday, 10th September 2020

કંગના હોમ ક્વોરેન્ટાઇન નહિ થાય : બીએમસીએ આપી મુક્તિ

એક સપ્તાહથી ઓછા સમય માટે રોકવાની હોવાથી છૂટ માટે ઓનલાઇન અરજી સબમિટ કરી હતી

મુંબઈ: BMC દ્વારા બૉલિવૂડ અભિનેત્રી કંગના રનૌતને 14 દિવસના હોમ ક્વોરન્ટાઈન નિયમમાંથી મુક્તિ આપવામાં આવી છે. રાજ્યના બહારથી આવતા લોકોને નિયમ મુજબ હોમ ક્વોરન્ટાઈન કરવામાં આવે છે.

કંગનાએ મુંબઈની તુલના પાકિસ્તાનના કબજા હેઠળના કાશ્મીર (POK) અને BMC દ્વારા તેના ઓફિસમાં ગેરકાયદેસર બાંધકામ માટે કરવા આવેલી તોડફોડ માટે ચર્ચામાં છે. તે બુધવારે હિમાચલથી મુંબઇ પહોંચી હતી.

BMCના એક વરિષ્ઠ અધિકારીએ જણાવ્યું હતું કે, રનૌતને હોમ ક્વોરન્ટાઈન નિયમમાંથી મુક્તિ મેળવવા માટે ઓનલાઇન અરજી સબમિટ કરી હતી. કારણ કે તે મુંબઇમાં થોડા સમય માટે આવી છે. અધિકારીએ કહ્યું કે, "તે અહીં એક અઠવાડિયાથી ઓછા સમય માટે રોકાશે, તેથી તેને આ નિયમમાંથી મુક્તિ આપવામાં આવી છે."

અભિનેત્રી કંગના રનૌત બુધવારે મુંબઇ પહોંચી છે. BMC ની ટીમ કંગનાના મુંબઇ સ્થિત ઓફિસ બહાર હાજર છે. BMC એ કંગનાની ઓફિસ પર કાર્યવાહી શરૂ કરી છે. કંગનાએ BMC ની તુલના બાબર સાથે કરી છે. પોતાના ઘરેથી રવાના થયા પહેલા તેમણે ટ્વિટ કરીને મહારાષ્ટ્રને આગમનની સૂચના આપી હતી.

(11:36 am IST)
  • ભગવતીપરામાં ભૂગર્ભ ગટરની દુર્ઘટનામાં બેદરકારી સબબ કોન્ટ્રાકટરને નોટીસ : ભગવતીપરામાં ભૂગર્ભ ગટરની કુંડીમાં મજૂરો પડી ગયા બાદ ઘાયલ થવાની ઘટનામાં કોન્ટ્રાકટર મંગાભાઈ સોલંકીને મ્યુ.કમિશ્નરે બેદરકારી અંગે નોટીસ ફટકારી છે access_time 4:13 pm IST

  • અમેરિકાના ઓરેગનમાં આવેલા જંગલમાં ભીષણ આગ : સખત તાપમાનને કારણે ફાયર ફાઈટર પણ પાછા ફર્યા : અનેક ઘરો બળીને ખાખ : 4 લાખ 70 હજાર એકર જમીનમાં આગની જ્વાળાઓ ફેલાતા અનેક લોકોનું સ્થળાંતર કરાયું access_time 11:46 am IST

  • ભારતમાં 6 મહિનાથી ફસાયેલા 354 કાશ્મીરી સ્ટુડન્ટ્સને પાકિસ્તાન જવાની મંજૂરી : વાઘા બોર્ડર ઉપરથી પાકિસ્તાન જવા રવાના : પાકિસ્તાન કબ્જાગ્રસ્ત કાશ્મીરમાં મેડિકલનો અભ્યાસ કરી રહ્યા હતા : આ સ્ટુડન્ટ્સની ડિગ્રી ઇન્ડિયન મેડિકલ કાઉન્સિલ દ્વારા અમાન્ય હોવાથી પાકિસ્તાન જઈ અભ્યાસ કરશે access_time 12:20 pm IST