Gujarati News

Gujarati News

News of Thursday, 17th September 2020

કોરોનાકાળમાં અમેરિકાનો દબદબો ઘટયો

કોરોનાને ડામી નહિ શકતા જગત જમાદાર ઉપર લોકોનો ભરોસો ઘટી ગયો : અમેરિકાની લોકપ્રિયતામાં સડસડાટ ઘટાડો : સર્વેક્ષણ

વોશિંગ્ટન, તા. ૧૭ : વિશ્વશકિત કહેવાતા અમેરિકાની વૈશ્વિક છબી કોરોનાકાળમાં ઝાંખી પડી છે. એક વૈશ્વિક સર્વેમાં જાણવા મળ્યું કે મહામારી પર કાબુ મેળવવામાં નિષ્ફળ રહેવાના કારણે અમેરિકા પર દુનિયાભરના લોકોનો ભરોસો ઘટી ગયો છે.

અમેરિકાની પ્રતિષ્ઠિત રિસર્ચ સંસ્થા પ્યુ રિસર્ચ સેન્ટરે ૧૪ વિકસીત અથવ્યવસ્થાવાળા દેશોમાં આ સર્વે કર્યો હતો. ૧૦ જૂનથી ૩ ઓગસ્ટ સુધી કરાયેલ આ સર્વેમાં ૧૩ હજાર વયસ્કો પાસેથી મળેલી પ્રતિક્રિયાના આધારે રિપોર્ટમાં જણાવાયું છે કે હવે લોકો અમેરિકા માટે સકારાત્મક વિચારો ઓછા ધરાવે છે.

આ દેશની છબી મહામારીના સમયે વધુ ખરાબ થઇ ગઇ છે. ૧૩ દેશોના બહુમતિ લોકોએકહ્યું કે કોરોના મહામારીની વિષમ પરિસ્થિતિને સંભાળવામાં અમેરિકા સંપૂર્ણપણે નિષ્ફળ ગયું. ફકત ૧પ ટકા લોકોનું જ માનવું હતું કે અમેરિકા મહામારી સામે યોગ્ય રીતે લડયું.

આ સર્વે અનુસાર, દુનિયાની નજરે ડોનાલ્ડ ટ્રમ્પ સૌથી ઓછા વિશ્વસનિય વૈશ્વિક નેતા છે. ૧૩ દેશના ફકત ૧૬ ટકા લોકોએ જ કહ્યું કે તેમને ટ્રમ્પ પર વિશ્વાસ છે, જયારે ચીની રાષ્ટ્રપતિ શી જીનપીંગને ૧૯ ટકા લોકોએ વિશ્વસનીય ગણ્યા. તો, જર્મન ચાંસેલર એંજેલા મર્કેલને ૭૬ ટકા રેટીંગ સાથે વિશ્વના સૌથી વિશ્વસનીય નેતા માનવામાં આવ્યા. બીજા નંબર પર ઇમેન્યુઅલ મેક્રોન અને ત્રીજા નંબર પર બોરિસ જોન્સન હતાં. રશિયન રાષ્ટ્રપતિ વ્લાદીમીર પુતિન પર વિશ્વના ર૩ ટકા લોકોએ વિશ્વાસ મૂકયો છે.

(12:59 pm IST)
  • નેપાળના પ્રાઈમ મિનિસ્ટર કે.પી.શર્મા ઓલીએ શ્રી નરેન્દ્ર મોદીને જન્મદિવસની શુભેચ્છા પાઠવી : બંને દેશ સાથે મળીને કામ કરશું તથા સબંધો વધુ મજબૂત કરીશું તેવી ભાવના વ્યક્ત કરી access_time 1:11 pm IST

  • ગુજરાત ઉપરાંત દિલ્હી ,ઉત્તરાખંડ ,તામિલનાડુ ,તથા ઉત્તર પ્રદેશમાં 21 સપ્ટેમ્બરથી સ્કૂલો નહીં ખુલે : હરિયાણામાં સ્કૂલો ખુલી જશે : છત્તીસગઢ અને બિહાર હજુ સુધી અવઢવમાં : અનલોક 4 દરમિયાન 21 સપ્ટેમ્બરથી સ્કૂલો ફરીથી ચાલુ કરી શકવાના કેન્દ્ર સરકારના સૂચન સાથે મોટા ભાગના રાજ્યો અસંમત access_time 12:11 pm IST

  • સરદાર સરોવર ડેમની સપાટી 138 મીટર : નર્મદા ડેમ અંગે અંગે નાયબ મુખ્યમંત્રી નીતિનભાઈ પટેલે કહ્યું- સરદાર સરોવર ડેમની સપાટી 138 મીટર થઈ:ડેમમાં હાલ પાણીની આવક ચાલુ: વડાપ્રધાન મોદીના જન્મ દિવસે નર્મદા ડેમ ભરાઈ જશે: ઉદ્યોગો, પશુઓ અને ખેતીને ફાયદો થશે: પાણીની આવકના કારણે પાવર હાઉસ ચાલુ છે. access_time 12:52 am IST