Gujarati News

Gujarati News

News of Sunday, 18th October 2020

કોરોના ઈફેક્ટ :ચાલુ નાણાંકીય વર્ષના પ્રથમ છ મહિનામાં સોનાની આયાતમાં 57 ટકાનું ગાબડું

ચાંદીની આયાત પણ 63.4 ટકા ઘટીને 73.35 કરોડ ડોલર રહી

 નવી દિલ્હી : ચાલુ નાણાકીય વર્ષના પ્રથમ છ મહિના (એપ્રિલથી સપ્ટેમ્બર) દરમિયાન સોનાની આયાત 57 ટકા ઘટીને 6.8 અબજ ડોલર અથવા.50,658 કરોડ થઈ છે. વાણિજ્ય મંત્રાલયના ડેટા પરથી આ માહિતી મળી છે. કોવિડ -19 રોગચાળા વચ્ચે માંગમાં ઘટાડો થતાં સોનાની આયાતમાં ઘટાડો થયો છે.

અત્રે ઉલ્લેખનીય છે કે સોનાની આયાત દેશના ચાલુ ખાતાની ખાધ (સીએડી) ને અસર કરે છે. ગયા નાણાકીય વર્ષના સમાન ગાળામાં સોનાની આયાત 15.8 અબજ અથવા રૂ. 1,10,259 કરોડ હતી.એ જ રીતે એપ્રિલથી સપ્ટેમ્બર દરમિયાન ચાંદીની આયાત પણ 63.4 ટકા ઘટીને 73.35 કરોડ ડોલર અથવા રૂ.5543 કરોડ થઇ ગઈ છે. સોના-ચાંદીની આયાતમાં ઘટાડો થવાને કારણે દેશની ચાલુ ખાતાની ખાધ ઓછી થઈ છે.

  આયાત અને નિકાસ વચ્ચેના તફાવતને સીએડી કહેવામાં આવે છે. એપ્રિલ-સપ્ટેમ્બરમાં સીએડી ઘટીને 23.44 અબજ ડોલર થઈ છે, જે ગયા નાણાકીય વર્ષના સમાન ગાળામાં 88.92 અબજ ડોલર હતી. ભારત વિશ્વના સૌથી મોટા સોનાના આયાતકારોમાંનો એક છે. અહીં સોનાની આયાત મુખ્યત્વે ઝવેરાત ઉદ્યોગની માંગને પહોંચી વળવા માટે છે. ભારત વાર્ષિક 800 થી 900 ટન સોનાની આયાત કરે છે. વર્તમાન નાણાકીય વર્ષના પ્રથમ છ મહિનામાં જેમ્સ અને જ્વેલરીની નિકાસ 55 ટકા ઘટીને 8.7 અબજ ડોલર થઈ છે.

(9:33 pm IST)
  • ડીડીસીએના પ્રમુખ પદે રોહન અરુણ જેટલી ચૂંટાયા : દિલ્હી ક્રિકેટ એસોસિયેશન (ડીડીસીએ)ના પ્રમુખ પદે સ્વર્ગસ્થ નાણામંત્રી અરુણ જેટલીના પુત્ર રોહન જેટલી ચૂંટાઈ આવ્યા છે. access_time 5:08 pm IST

  • બિહારમાં ભાજપને જેડીયુ કરતા વધુ સીટ મળે તો પણ મુખ્યમંત્રી નીતીશકુમાર જ બનશે : હોમ મિનિસ્ટર તથા ભાજપ પૂર્વ અધ્યક્ષ અમિત શાહની સ્પષ્ટતા access_time 8:06 pm IST

  • દેશમાં કોરોનાના કહેર વચ્ચે નવા કેસ કરતા સ્વસ્થ થનારની સંખ્યામાં સતત વધારો : એક્ટિવ કેસમાં એકધારો ઘટાડો : રાત્રે 12 વાગ્યા સુધીમાં કોરોનાના નવા 61,714 કેસ નોંધાયા : કુલ કેસનો આંકડો 74,92,548 થયો :એક્ટીવ કેસ ઘટીને 7,83,131 થયા : વધુ 72,339 દર્દીઓ સ્વસ્થ થતા કુલ 65,94,155 રિકવર થયા : વધુ 1031 લોકોના મોત સાથે કુલ મૃત્યુઆંક 1,14,064 થયો access_time 12:44 am IST