Gujarati News

Gujarati News

News of Monday, 23rd November 2020

બૉલીવુડ અભિનેત્રી કંગના રનૌત અને તેની બહેન રંગોલીએ મુંબઈ હાઇકોર્ટના દ્વાર ખખડાવ્યા : મુંબઈ પોલીસે દાખલ કરેલી એફઆઈઆર સામે વચગાળાનો સ્ટે માંગ્યો

મુંબઈ : બૉલીવુડ અભિનેત્રી કંગના રનૌત અને તેની બહેન રંગોલી ચંદેલએ  મુંબઈ હાઇકોર્ટના દ્વાર ખખડાવ્યા છે.ટ્વીટર ઉપર કોમી વૈમનસ્ય ફેલાય તેવી કોમેન્ટ કરવાના આરોપસર મુન્નવરલી સૈયદ નામક નાગરિકે કરેલી અરજીના અનુસંધાને બાંદ્રા મેટ્રોપોલિટન મેજિસ્ટ્રેટે એફઆઈઆર દાખલ કરવાનું કહેતા તે રદ કરવા અરજ ગુજારી છે.

બંને બહેનોના એડવોકેટ રિઝવાન સીદીકીએ મુંબઈ પોલીસ દ્વારા સમન્સનો ઉપયોગ તાત્કાલિક અને જબરજસ્તીથી ન થાય તે માટે વચગાળાનો  સ્ટે માંગ્યો છે.

બાંદ્રા મેજિસ્ટ્રેટની સૂચના પછી મુંબઈ પોલીસે તાત્કાલિક બંને બહેનો સામે બે કોમો વચ્ચે વૈમનસ્ય ફેલાવવાના તથા ધાર્મિક વાતાવરણ ખરડાવવાના આરોપસર એફઆઈઆર દાખલ કરી છે.

જેના અનુસંધાને  મુંબઈ પોલીસે બે વખત સમન્સ મોકલ્યા હતા જેના જવાબમાં બંને બહેનોએ પોતે એક લગ્ન પ્રસંગમાં હાજરી આપવા માટે હિમાચલ પ્રદેશમાં હોવાથી હાજર થઇ શકે તેમ નથી તેમ જણાવ્યું હતું આથી હવે ત્રીજું અને આખરી સમન્સ પાઠવાતા તેમણે મુંબઈ હાઇકોર્ટમાં વચગાળાના સ્ટે ની માંગણી કરી હોવાનું બી.એન્ડ બી.દ્વારા જાણવા મળે છે.

(8:04 pm IST)
  • અમદાવાદના રાત્રી કર્ફ્યુને લઇ આવ્યા મોટા સમાચાર : કોરોના સંક્રમણ ને લીધે અમદાવાદમાં 7મી ડિસેમ્બર સુધી રાત્રી કર્ફ્યુ જાહેર : અમદાવાદ પોલીસના જાહેરનામામાં તારીખનો ઉલ્લેખ : પોલીસ કમિશનરે જારી કર્યું છે જાહેરનામું access_time 6:39 pm IST

  • બિહાર રાજ્યની 17 મી ધારાસભાનું નવું સત્ર આજ 23 નવેમ્બરથી શરૂ : 27 નવેમ્બર સુધી ચાલનારા પાંચ દિવસીય સત્ર દરમિયાન ધારાસભ્યોનો શપથવિધિ યોજાશે : સ્પીકર જીતનરામ માંઝી શપથ લેવડાવશે : સેનિટાઇઝર, સોશિઅલ ડિસટન્સ, માસ્ક સહીત કોવિદ -19 નિયમોના પાલનની સજ્જડ વ્યવસ્થા : કુલ સંખ્યાના 43 ટકા એટલેકે 105 ધારાસભ્યો નવા ચૂંટાઈ આવ્યા હોવાથી પ્રથમવાર શપથ લેશે access_time 11:54 am IST

  • અમદાવાદમાં માસ્ક વગર ફરતાં ૨૫૬ લોકોના કોરોના ટેસ્ટ કરાયાઃ ૯ ને પોઝીટીવ : અમદાવાદ શહેરમાં આજે સવારથી કર્ફયુ ખુલતાની સાથે જ લોકો રસ્તાઓ ઉપર નિકળી પડયા હતાઃ અમદાવાદ મ્યુનિસીપલ કોર્પોરેશન દ્વારા આજે ૨૫૬ લોકોના ટેસ્ટ કરવામાં આવ્યાઃ જેમાં ૯ લોકો કોરોના પોઝીટીવ આવ્યા હતાઃ જેમાંથી ૬ લોકોને હોસ્પિટલમાં દાખલ કરવામાં આવ્યાઃ નેગેટીવ આવેલા લોકોને એક- એક હજારનો દંડ ફટકારવામાં આવ્યો access_time 4:18 pm IST