Gujarati News

Gujarati News

News of Thursday, 24th September 2020

ટ્રેન નીચે આવી ગયેલા બાળકને સુરક્ષિત રીતે બહાર કઢાયું

હરિયાણાના ફરીદાબાદની ઘટના : ૨ વર્ષીય બાળકના સગીર ભાઈની ભૂલના કારણે મુશ્કેલી થઈ, લોકો પાઈલટે તાત્કાલિક ટ્રેન રોકીને બાળકને બચાવ્યું

આગ્રા,તા.૨૩ : ટ્રેનના ડ્રાઈવર દિવાન સિંઘ અને તેમના આસિસ્ટન્ટ અતુલ આનંદ રલવે ટ્રેક પર રહેલા બાળકને જુએ તે પહેલા તેમની ગૂડ્સ ટ્રેનએ ગતિ પકડી લીધી હતી. તેમણે ઈમરજન્સીમાં બ્રેક લગાવી પણ ટ્રેન બાળક પરથી પસાર થઈ ગયા બાદ ઉભી રહી હતી. બાળક પરથી ટ્રેન પસાર થયા બાદ શું થયું હશે તે વિચારીને ડરી રહેલા દિવાન અને અતુલ ટ્રેનની નીચે ઉતર્યા અને તેમણે જે જોયું તો તેમના ચહેરા પર ખુશી આવી ગઈ. તેમણે જોયું કે બાળક જીવતું હતું અને તે રડી રહ્યું હતું. આ ઘટનામાં ચમત્કાર એવો થયો કે બાળકને સામાન્ય ઈજા પણ નહોતી થઈ. આ ઘટના હરિયાણાના ફરીદાબાદ જિલ્લામાં આવેલા બલ્લાબગઢ રેલવે સ્ટેશનનની છે. આ સ્ટેશન વધારે વ્યસ્ત રહેતું નથી. જ્યારે આ દિવસોમાં ટ્રાફિકમાં વધારે ઘટાડો થયો છે.

           રેલવેની નીચે બાળક આવી જવાની ઘટના વિશે વાત કરતા આગ્રા ડિવિઝનલ રેલવેના કમર્શિયલ મેનેજર એસકે શ્રીવાસ્તવ જણાવે છે કે *બે વર્ષનું બાળક તેના ૧૪ વર્ષના ભાઈ સાથે રેલવે સ્ટેશન પર રમી રહ્યું હતું. જ્યારે ટ્રેન ટ્રેક પર હતી ત્યારે મોટો ભાઈ તેના નાના ભાઈને ત્યાં છોડીને જતો રહ્યો.* આ ઘટના ત્યારે બની જ્યારે દિલ્હી-આગ્રા ટ્રેન ટ્રેક પર હતી. ૧૯ મિનિટના વિડીયોમાં દેખાય છે કે ટ્રેન ઉભી રહ્યા બાદ બાળક ટ્રેનની નીચે રડતું દેખાય છે. આ બાળકને સુરક્ષિત રીતે ટ્રેનની નીચેથી બહાર કાઢવામાં આવે છે અને તેનો જે ભાઈ તેને મૂકીને રવાના થઈ ગયો હતો તેને ટ્રેનના ડ્રાઈવર દ્વારા પકડી લેવામાં આવે છે. ટ્રેનના એન્જિનની વચ્ચે ફસાયેલા બાળકને બહાર કાઢવું એટલું સરળ નહોતું, કારણ કે બાળક ટ્રેનની નીચે નાની જગ્યામાં ફસાઈ ગયું હતું. જેથી ટ્રેનના ડ્રાઈવર દ્વારા બાળકને શાંત કરવાની કોશિશો કરવામાં આવી અને તે પછી તેને બહાર કાઢવાના પ્રયાસો શરુ કરવામાં આવ્યા, બાળકને નાની જગ્યામાંથી સુરક્ષિત રીતે બહાર કાઢવામાં આવ્યું. બાળકના ઘરની તપાસ કર્યા બાદ તેને તેની માતાને સોંપવામાં આવ્યું હતું.

(7:21 pm IST)
  • આજથી 3 દિવસ માટે પંજાબ બંધ : કૃષિ બિલના વિરોધમાં 24 થી 26 સપ્ટેમ્બર દરમિયાન બંધનું એલાન : રેલ રોકો આંદોલનને કારણે અનેક રૂટની ટ્રેનો બંધ રહેશે : અમુક ટ્રેનોના સમય બદલાશે : વાહન વ્યવહાર ઉપર અસર થશે : આંદોલનકારીઓ પ્રત્યે નરમ વલણ અપનાવવા પોલીસ ડિપાર્ટમેન્ટને રાજ્ય સરકારની સૂચના : શાંતિપૂર્ણ આંદોલન કરવા અનુરોધ access_time 11:53 am IST

  • દેશમાં કોરોનાના કહેર વચ્ચે 47 લાખથી વધુ દર્દીઓ રિકવર થયા : રાત્રે 8 વાગ્યા સુધીમાં વધુ 28,775 દર્દીઓ સ્વસ્થ થતા કુલ 27,00,625 રિકવર થયા access_time 8:25 pm IST

  • દેશમાં કોરોનાનો કહેર : રાત્રે 12 -30 વાગ્યા સુધીમાં નવા 85,919 પોઝીટીવ કેસ નોંધાયા : કુલ કેસની સંખ્યા 58,16,103 થઇ: હાલમાં 9,69,972 એક્ટિવ કેસ: વધુ 81,141 દર્દીઓ સ્વસ્થ થતા કુલ 47,52,991 લોકોએ કોરોનાને મ્હાત આપી : વધુ 1144 લોકોના મોત સાથે મૃત્યુઆંક 92 ,317 થયો access_time 1:02 am IST