Gujarati News

Gujarati News

News of Tuesday, 24th November 2020

સ્પીડ પકડતો કોરોના : રાજકોટમાં સતત ત્રીજા દિ'એ ૩૫ કેસ

શહેરના ગાંધીનગર, અક્ષરનગર, સત્યસાંઇ રોડ, લેક્ષસ એવન્યુ, વાંકાનેર સોસાયટી, ગુજરાત હાઉસીંગ બોર્ડ દૂધની ડેરી, મહાવીર સોસાયટી કાલાવડ રોડ, ભકિતનગર, નાનામૌવા રોડ, સિલ્વર હાઇટ, કોઠારિયા રોડ મેહુલનગર સહિતના વિસ્તારોમાં કુલ ૭૪ કન્ટેન્ટમેન્ટ ઝોન કાર્યરત : ૩૦ હજાર મકાનોનો સર્વે : ૧૩ને શરદી - તાવના લક્ષણો : શહેરના કુલ કેસ ૧૦,૩૨૯ સામે ૯૪૨૦ સાજા થયા : રિકવરી રેટ ૯૧.૫૦ ટકા અને પોઝિટિવ રેટ ૨.૪૮ ટકા

રાજકોટ તા. ૨૪ : શહેરમાં દિવાળીના તહેવારો બાદ ફરી કોરોના સંક્રમણ વધવા લાગ્યું છે. તંત્રએ કાબુ મેળવવા રાત્રી કર્ફયુ, ચા-પાનની દુકાનોને સીલ કરવા સહિતના કડક પગલા લેવાનું શરૂ કર્યું છે. આમ છતાં કોરોનાના કેસ વધી રહ્યા છે. આજે સતત ત્રીજા દિવસે બપોરે ૧૨ સુધીમાં ૩૫ નવા કેસ નોંધાતા કુલ ૧૦૩૨૯ કેસ થયા છે.

મ.ન.પા.ના આરોગ્ય તંત્રએ જાહેર કર્યા મુજબ આજે બપોરે ૧૨ વાગ્યા સુધીમાં નવા ૩૫ પોઝિટિવ કેસ નોંધાયા છે. જ્યારે ગઇકાલે ૯૫ કેસ હતા. આજે બપોરે વધુ ૩૫ કેસ નોંધાતા શહેરમાં આજ સુધીમાં કુલ ૧૦૩૨૯ કેસ થયા છે. તેની સામે ૯૪૨૦ લોકો સાજા થતાં રિકવરી રીટ ૯૧.૫૦ ટકા થયા છે અને પોઝિટિવ રેટ ૨.૪૮ ટકા છે.

આજની સ્થિતિએ શહેરમાં ૭૫ માઇક્રો કન્ટેન્ટમેન્ટ ઝોન છે. જેમાં લેક્ષસ એવન્યુ, સીટી એપાર્ટમેન્ટ, વાંકાનેર સોસાયટી, શિવાજી પાર્ક, એરપોર્ટ રોડ, મયુર પાર્ક, ભકિતનગર, સિલ્વર હાઇટ, મેહુલનગર, કોઠારીયા રોડ વગેરેનો સમાવેશ છે.

(2:37 pm IST)
  • બેક ટુ બેક ... આવતા મહિને વધુ એક 'બુરેવી' વાવાઝોડાનો ખતરો : 'નિવાર'નામનું વાવાઝોડુ ત્રાટકવાની તૈયારીમાં છે ત્યારે તામિલનાડુના દરિયાકિનારે વધુ એક વાવાઝોડાનો ખતરો મંડાઈ રહ્યો છેઃ 'બુરેવી'નામનું વાવાઝોડુ તા.૩ કે ૪ ડીસેમ્બર આસપાસ ત્રાટકે તેવી સંભાવના હોવાનું વેધરની એક ખાનગી સંસ્થાએ જણાવ્યું છે access_time 2:36 pm IST

  • નામ છુપાવીને લગ્ન કરનારને 10 વર્ષની જેલસજા થશે :' લવ જેહાદ ' મામલે ઉત્તર પ્રદેશ કેબિનેટમાં કડક કાયદો પસાર : વિધર્મી સાથે લગ્ન કરતા પહેલા ડીસ્ટ્રીકટ મેજિસ્ટ્રેટની મંજૂરી લેવી પડશે : બે મહિના પહેલા નોટિસ આપવી ફરજીયાત : મંજૂરી વિના ધર્મ પરિવર્તન કરી લગ્ન કરવા બદલ 6 માસથી 3 વર્ષ સુધીની જેલસજા થઇ શકશે : ઉપરાંત 10 હજાર રૂપિયાનો દંડ થશે : છેલ્લા થોડા દિવસોમાં ફરજીયાત ધર્માન્તર ,લવ જેહાદ ,સહિતના 100 જેટલા કિસ્સા બનતા યોગી સરકાર આકરા પાણીએ access_time 7:59 pm IST

  • અમદાવાદમાં બગીચાઓ સવારે ૭ થી ૯, સાંજે ૫ થી ૭ જ ખુલ્લા રહેશે : અમદાવાદ શહેરના ઉદ્યાનો અને બગીચાઓ આગામી ઓર્ડર સુધી સવારે 7 થી 9 અને સાંજે 5 થી 7 દરમિયાન જ જાહેર જનતા માટે ખુલ્લા રહેશે. access_time 9:52 pm IST