Gujarati News

Gujarati News

News of Tuesday, 24th November 2020

વિશ્વના સર્વશ્રેષ્ઠ શહેરોમાં દિલ્હીને 62મું સ્થાન : ટોપ-100માં દિલ્હી દેશનું એકમાત્ર શહેર બન્યું

2020માં દિલ્હી 81મા ક્રમે હતું. : લંડન પ્રથમ સ્થાને : ન્યુયોર્ક અને પેરિસ અનુક્રમે બીજા અને ત્રીજા ક્રમે

વેન્કુઅર: વર્ષ 2021 માટે વિશ્વના સર્વશ્રેષ્ઠ શહેરોમાં દિલ્હીને 62મું સ્થાન મળ્યું છે, ગત વર્ષે દિલ્હી આ રેન્કિંગમાં 81મા ક્રમે હતું.

 અત્રે ઉલ્લેખનીય છે કે વિશ્વના ટોપ-100 શહેરોમાં સ્થાન પામનારૂં દિલ્હી એકમાત્ર શહેર છે. આ રેન્કિંગ કેનેડના વેન્કુઅરમાં આવેલી રેસોનન્સ કન્સલટન્સી દ્વારા કરવામા આવે છે.

ટુરિઝમ ડેટા, ટ્રાવેલ રિપોર્ટ અને ડેસ્ટિનેશન ડેવલપમેન્ટ ક્ષેત્રે કામ કરતી રેસોનન્સ કન્સલટન્સી દ્વારા વર્ષ 2021માટે હાથ ધરવામાં આવેલા રેન્કિંગમાં ભારતના દિલ્હીને 62મું સ્થાન મળ્યું છે, 2020માં દિલ્હી 81મા ક્રમે હતું.

આ રેન્કિંગ નક્કી કરવામાં જે-તે શહેરની ગુણવત્તા, પ્રતિષ્ઠા તેમજ પ્રવાસીઓ, ટોંચના ઉદ્યોગપતિઓ અને સેલિબ્રિટીઓના મતે શહેર અંગેના વિચારો, પ્રવાસીઓ માટેની સુવિધાઓ સહિતના માપદંડોને ધ્યાને લેવામાં આવે છે. આ ઉપરાંત ટોપ-100ની યાદીમાં સાન ફ્રાન્સિસ્કો, એમસ્ટરડેમ, રોમ, વોશિંગ્ટન ડી.સી., અબુ ધાબી, ટોરન્ટો, પ્રાગ, સેન્ટ પિટ્સબર્ગ સહિતના વિવિધ શહેરોને સ્થાન મળ્યું છેે.

ટોપ-10 શહેરોની યાદી

1. લંડન

2. ન્યૂયોર્ક

3. પેરિસ

4. મોસ્કો

5. ટોક્યો

6. દુબઇ

7. સિંગાપોર

8. બાર્સિલોના

9. લોસ એન્જલસ

10. મેડ્રિડ

(1:40 pm IST)
  • રાજસ્થાનમાં વધુ ૧૯ મોત: નવા 3314 કેસ : રાજસ્થાનમાં વધુ 19 મોત સાથે કોવિદનો મૃત્યુઆંક વધીને 2200 ઉપર પહોંચ્યો છે. નવા 3,314 કોરોનાના કેસો નોંધાતા કુલ કોરોના કેસોનો આંક 2,50,482 પર પહોંચ્યો છે. access_time 9:54 pm IST

  • દેશમાં કોરોનાના નવા કેસ કરતા સ્વસ્થ થનારની સંખ્યામાં વધારો :એક્ટિવ કેસમાં સતત ઘટાડો :રાત્રે 11 વાગ્યા સુધીમાં કોરોનાના નવા 34,564 કેસ નોંધાયા:કુલ કેસનો આંકડો 91,75,876 થયો :એક્ટીવ કેસ ઘટીને 4,37,778 થયા:વધુ 39,364 દર્દીઓ સ્વસ્થ થતા કુલ 86,00,808 રિકવર થયા :વધુ 440 લોકોના મોત સાથે કુલ મૃત્યુઆંક 1,34,213 થયો access_time 12:36 am IST

  • નામ છુપાવીને લગ્ન કરનારને 10 વર્ષની જેલસજા થશે :' લવ જેહાદ ' મામલે ઉત્તર પ્રદેશ કેબિનેટમાં કડક કાયદો પસાર : વિધર્મી સાથે લગ્ન કરતા પહેલા ડીસ્ટ્રીકટ મેજિસ્ટ્રેટની મંજૂરી લેવી પડશે : બે મહિના પહેલા નોટિસ આપવી ફરજીયાત : મંજૂરી વિના ધર્મ પરિવર્તન કરી લગ્ન કરવા બદલ 6 માસથી 3 વર્ષ સુધીની જેલસજા થઇ શકશે : ઉપરાંત 10 હજાર રૂપિયાનો દંડ થશે : છેલ્લા થોડા દિવસોમાં ફરજીયાત ધર્માન્તર ,લવ જેહાદ ,સહિતના 100 જેટલા કિસ્સા બનતા યોગી સરકાર આકરા પાણીએ access_time 7:59 pm IST