Gujarati News

મુંબઇ, તા.૨૮: રિલાયન્‍સ ઇન્‍ડસ્‍ટ્રીઝ અને બેન્‍કિંગ શેરોમાં ભારે ખરીદીને કારણે સેન્‍સેક્‍સ અને નિફ્‌ટીમાં પણ જોરદાર ઉછાળો જોવા મળ્‍યો છે. તે જ સમયે, અમેરિકાની સેન્‍ટ્રલ બેંક દ્વારા ત્રણ દર ઘટાડાની અપેક્ષાને કારણે બજાર આશાવાદી બન્‍યું છે. આ ઉપરાંત કેટલીક એજન્‍સીઓએ ભારતના જીડીપીના અંદાજમાં પણ વધારો કર્યો છે. તદુપરાંત, ટેકનિકલ ચાર્ટ વધુ તેજી દર્શાવે છે.

૧. બેન્‍કિંગ અને RIL શેર્સમાં મોટી ખરીદી

આજે શેરબજારમાં બેન્‍કિંગ અને હેવીવેઈટ રિલાયન્‍સ શેર (RIL શેર)માં જોરદાર ખરીદી જોવા મળી હતી, જેના કારણે સેન્‍સેક્‍સ અને નિફ્‌ટીના શેરમાં પણ ઉછાળો આવ્‍યો હતો.ગુરુવારે ઈન્‍ડેક્‍સમાં વધારો કરવામાં હેવીવેઈટ રિલાયન્‍સ ઈન્‍ડસ્‍ટ્રીઝ લિમિટેડે સૌથી વધુ ફાળો આપ્‍યો હતો. બજાજ ફિનસર્વ ૩.૭૫ ટકા વધ્‍યો હતો જ્‍યારે બજાજ ફાઇનાન્‍સ ૩.૫૧ ટકા વધ્‍યો હતો. આઈસીઆઈસીઆઈ બેંક, સ્‍ટેટ બેંક ઓફ ઈન્‍ડિયા, ઈન્‍ડસઈન્‍ડ બેંક, એચડીએફસી બેંક અને કોટક મહિન્‍દ્રા બેંક ૧.૬ ટકા સુધી વધ્‍યા છે.

૨. એશિયન બજારોમાં જોરદાર ઉછાળો

ચીન, હોંગકોંગ અને તાઇવાન સહિતના એશિયાના બજારો શુક્રવારના ફુગાવાના આંકડાની આગળ રાતોરાત યુએસ સ્‍ટોક એક્‍સચેન્‍જોમાં ૦.૮-૧.૨ ટકાના વધારાને પગલે ૧.૬ ટકા જેટલા વધ્‍યા હતા. માત્ર જાપાનના શેરબજારમાં ૧ ટકાથી વધુનો ઘટાડો થયો છે. તમને જણાવી દઈએ કે ગુડ ફ્રાઈડે નિમિત્તે ભારત, અમેરિકા અને અન્‍ય એક ડઝન બજારો શુક્રવારે બંધ રહેશે.

૩. ટેકનિકલ ચાર્ટમાં વધુ ઉછાળાના સંકેતો

બિઝનેસ ટુડે અનુસાર, એન્‍જલ વનના સમીત ચવ્‍હાણે કહ્યું હતું કે નિફ્‌ટીનું ૨૨,૨૦૦નું લેવલ મોનિટર કરવા માટેનું મહત્ત્વનું લેવલ છે અને તે આ બિંદુથી આગળ મજબૂત મોમેન્‍ટમ બતાવી શકે છે, જે બજાર માટે મજબૂત આધાર સ્‍થાપિત કરશે. સવારના વેપારમાં જ નિફ્‌ટીએ તે સ્‍તર તોડી નાખ્‍યું હતું. તે ઈન્‍ટ્રાડે ૨૨,૩૫૨.૨૦ના સર્વોચ્‍ચ સ્‍તરે પહોંચ્‍યો હતો.

૪. જીડીપી વળદ્ધિનો અંદાજઃ S&P ગ્‍લોબલે તાજેતરમાં જ ભારતના FY2૫ જીડીપી વળદ્ધિ અનુમાનને ૪૦ બેસિસ પોઈન્‍ટ વધારીને ૬.૮ ટકા કર્યો છે. હવે મોર્ગન સ્‍ટેનલીએ નાણાકીય વર્ષ ૨૦૨૫ માટે ભારતના જીડીપી વળદ્ધિ અનુમાનને વધારીને ૬.૮ ટકા કર્યો છે. આ તમામ કારણોને લીધે આજે શેરબજારમાં જોરદાર ઉછાળો જોવા મળ્‍યો હતો