Gujarati News

Gujarati News

News of Saturday, 28th November 2020

ભાજપ અબજોપતિ મિત્રો માટે રેડ કાર્પેટ બિછાવે છેઃ પ્રિયંકાગાંધી

ખેડૂતો સામેની કાર્યવાહી પર પ્રિયંકાગાંધી-રાહુલગાંધીના પ્રહાર : ખેડૂતો સામેની કાર્યવાહીને વડાપ્રધાનનો અહંકાર ગણાવી જવાન-ખેડૂત એક બીજાની સામે આવ્યાનો રાહુલગાંધીનો આક્ષેપ

નવી દિલ્હી, તા.૨૮ : છેલ્લાં બે દિવસથી ઉત્તર ભારતના ખેડૂતો રસ્તા પર ઉતરીને દિલ્હી તરફ આગેકૂચ કરી રહ્યા છે. ત્યારે કોંગ્રેસના નેતાઓ તેમના સપોર્ટમા ઉતરી આવ્યા છે. એકબાજુ કોંગ્રેસના પૂર્વ અધ્યક્ષ રાહુલ ગાંધીએ ખેડૂતો વિરુદ્ધ સરકારની કાર્યવાહીને વડાપ્રધાન નરેન્દ્ર મોદીનો અહંકાર ગણાવ્યો હતો, ત્યારે કોંગ્રેસના મહામંત્રી પ્રિયંકા ગાંધીએ આરોપ લગાવ્યો હતો કે ભાજપ સરકાર અબજોપતિ મિત્રો માટે કાર્પેટ બિછાવે છે પરંતુ જો ખેડૂત દિલ્હી આવે છે તો તેમના રસ્તાઓ ખોદી કાઢવામાં આવી રહ્યા છે. રાહુલ ગાંધીએ વડાપ્રધાન મોદી પર નિશાન સાંધતા એક ટ્વીટ કરી.

              તેમાં લખ્યું છે કે એક ખૂબ જ દુઃખદ ફોટો છે. અમારું સૂત્ર 'જય જવાન જય કિસાનલ્લ હતું, પરંતુ આજે વડાપ્રધાન મોદીના ઘમંડથી જવાન ખેડૂત એકબીજાની સામ સામે આવી ગયા છે. તે જ સમયે પ્રિયંકા ગાંધીએ કહ્યું કે, ભાજપ સરકારમાં દેશની સિસ્ટમ જુઓ. ભાજપ સરકાર અબજોપતિ મિત્રો માટે રેડ કાર્પેટ બિછાવે છે પરંતુ જો ખેડૂત દિલ્હી આવે છે તો તેના રસ્તાઓ ખોદવામાં આવી રહ્યા છે. તેમણે દિલ્હીમાં ખેડૂતો વિરુદ્ધ કાયદો બનાવ્યો, પરંતુ જો સરકારને પોતાની રજુઆત કહેવા માટે ખેડૂત દિલ્હી આવ્યા તો તે ખોટું? કૃષિ કાયદાઓનો વિરોધ કરી રહેલા ખેડૂતોએ ટિકરી અને સિંઘુ બોર્ડર પર પડાવ કર્યો છે. જો કે પંજાબથી દિલ્હી આવેલા ખેડૂતોને બુરાડીના નિરંકારી મેદાનમાં પ્રદર્શન કરવાની મંજૂરી આપવામાં આવી છે. જ્યાં તેમના રોકાણ અને અન્ય સુવિધાઓની વ્યવસ્થા કરવામાં આવી છે. દિલ્હી ટિકરી અને સિંઘુ સરહદ પર હજુ પણ ખેડૂતનો જમાવડો છે. જોકે કેટલાક ખેડુતો રાતોરાત મેદાનમાં આવી ગયા છે.

(7:29 pm IST)
  • કોંગ્રેસના વચગાળાના ખજાનચી તરીકે પવનકુમાર બંસલની નિમણુંક : અહમદ પટેલના નિધનથી ખાલી પડેલી જગ્યા ઉપર કામચલાઉ નિમણુંક : કોંગ્રેસ પાર્ટીમાં અધ્યક્ષ ઉપરાંત હવે ખજાનચી પણ કામચલાઉ access_time 6:18 pm IST

  • અમદાવાદ શહેરમાં કોરોના વિસ્ફોટ :કોરોનાનું સંક્રમણ વધ્યું, ગોતા,બોડકદેવ અને થલતેજ બન્યા હોટસ્પોટ ઝોન: અમદાવાદ મહાનગરપાલિકા દ્વારા વધુ 24 વિસ્તારોને માઈક્રો કન્ટેનમેન્ટ ઝોનમાં મુકાયા access_time 11:51 pm IST

  • દેશમાં કોરોનાથી મૃત્યુઆંક 1.36 લાખને પાર પહોંચ્યો :એક્ટિવ કેસ ફરી વધ્યા : રાત્રે 11 વાગ્યા સુધીમાં કોરોનાના નવા 39,414 કેસ નોંધાયા:કુલ કેસનો આંકડો 93,49,285 થયો :એક્ટીવ કેસ 4, 53,436 થયા: વધુ 39,815 દર્દીઓ સ્વસ્થ થતા કુલ 87,57,524 રિકવર થયા :વધુ 438 લોકોના મોત સાથે કુલ મૃત્યુઆંક 1,36,190 થયો access_time 11:58 pm IST