Gujarati News

નવી દિલ્હી, તા.૨૯ : દેશમાં આ દિવસોમાં દવાઓના ભાવને લઈને હોબાળો મચ્યો છે. તાજેતરમાં, બીપી, ડાયાબિટીસ, તાવ વગેરે જેવી દવાઓના ભાવમાં ઘટાડો થવાના સમાચાર હતા.

જો કે, આજે કેટલીક આવશ્યક દવાઓના ભાવમાં વધારાના સમાચાર આવ્યા છે અને તે પછી આગામી દિવસોમાં કેટલીક આવશ્યક દવાઓના ભાવમાં થોડો વધારો જોવા મળી શકે છે.

ડ્રગ પ્રાઇસિંગ રેગ્યુલેટર અથવા ડ્રગ પ્રાઈસ રેગ્યુલેટર ઓફ ઈન્ડિયાએ નેશનલ લિસ્ટ ઓફ એસેન્શિયલ મેડિસિન્સ (NLEM) હેઠળ દવાઓના ભાવમાં વાર્ષિક ૦.૦૦૫૫ ટકાના વધારાની જાહેરાત કરી છે. આ વધારો જથ્થાબંધ ભાવ સૂચકાંક (WPI)માં વાર્ષિક ફેરફાર અનુસાર કરવામાં આવ્યો છે. ૧ એપ્રિલથી કેટલીક પેઇનકિલર્સ, એન્ટિબાયોટિક્સ અને એન્ટિ-ઇન્ફેક્શન દવાઓ સહિત આવશ્યક દવાઓના ભાવમાં થોડો વધારો થશે. આર્થિક સમાચાર પોર્ટલ ઈકોનોમિક ટાઈમ્સના અહેવાલ અનુસાર આ સમાચાર પ્રાપ્ત થયા છે.

નેશનલ ફાર્માસ્યુટિકલ પ્રાઇસિંગ ઓથોરિટી (NPPA) દ્વારા જારી કરાયેલી નોટિસમાં કહેવામાં આવ્યું છે કે *આર્થિક સલાહકારની ઓફિસ, ઉદ્યોગ અને આંતરિક વેપાર વિભાગ, વાણિજ્ય અને ઉદ્યોગ મંત્રાલય, ૨૦૨૨ દ્વારા પ્રદાન કરવામાં આવેલા WPI ડેટાના આધારે WPI માં વાર્ષિક ફેરફાર સમાન સમયગાળાની સરખામણીમાં કેલેન્ડર વર્ષ ૨૦૨૩ દરમિયાન (+) 0.00551 ટકા છે.*

આનો સીધો અર્થ એ થયો કે વર્ષ ૨૦૨૨ની સરખામણીએ કેલેન્ડર વર્ષ ૨૦૨૩ દરમિયાન જથ્થાબંધ ભાવ સૂચકાંકના આધારે કેટલીક આવશ્યક દવાઓના ભાવમાં વધારો કરવાની જરૃરિયાત અનુભવાઈ છે અને તેની કિંમતોમાં ૦.૦૦૫૫૧ ટકાનો નજીવો વધારો કરવામાં આવી રહ્યો છે.

ઉદ્યોગના એક આંતરિક સૂત્રએ જણાવ્યું હતું કે ફાર્મા ઉદ્યોગને ખુશ કરવા માટે આ ભાગ્યે જ સમાચાર છે. ખાસ કરીને જ્યારે ગયા વર્ષે અને તેના એક વર્ષ પહેલા એટલે કે ૨૦૨૨માં ૧૨ ટકા અને ૧૦ ટકાના બે મોટા ભાવ વધારાની સરખામણીમાં આ કંઈ નથી. જો કે, એક દ્ગય્ર્ં સાથે સંકળાયેલા એક અધિકારીએ કહ્યું કે આ એક સારું પગલું હશે જે આ દવાઓની શક્તિ જાળવી રાખવામાં રસ જાળવી રાખશે.