Gujarati News

Gujarati News

News of Saturday, 21st November 2020

ક સમયમાં ' મા અન્નપૂર્ણા ' ની સવારી કેનેડાથી ભારત આવશે : ભારતના વારાણસીમાંથી 100 વર્ષ પહેલા ચોરાયેલી આ મૂર્તિ કેનેડામાંથી મળી આવી : ભારત પરત મોકલાશે

વારાણસી :  ભારતના વારાણસીમાં આવેલા માં અન્નપૂર્ણા મંદિરમાં દેશભરના લોકો દર્શન કરવા આવે છે.આ મંદિરમાંથી 100 વર્ષ પહેલા ચોરાયેલી  ' મા અન્નપૂર્ણા ' ની મૂર્તિ કેનેડામાંથી મળી આવી છે.

કેનેડામાં ભરાયેલા પ્રાચીન વસ્તુઓના પ્રદર્શન દરમિયાન એક આર્ટિસ્ટની નજર આ મૂર્તિ ઉપર પડી હતી.જેણે આયોજકોનું ધ્યાન દોરી જણાવ્યું હતું કે આ મૂર્તિ ભારતના વારાણસીમાં આવેલા માં અન્નપૂર્ણાની છે. જે અહીંયાના મ્યુઝિયમમાં ભૂલથી આવી ગયેલી જણાય છે. જેથી આયોજકોએ તપાસ કરતા આર્ટિસ્ટની વાત સાચી જણાઈ હતી.જે મુજબ આ મૂર્તિ આજથી 100 વર્ષ પહેલા વારાણસીના મંદિરમાંથી ચોરાઈને કેનેડા આવી હતી.

મ્યુઝિયમના સંચાલકો તથા કેનેડા સરકાર આ મૂર્તિ ભારત પરત મોકલી આપવા સંમત થઇ ગયા છે.તેથી ટૂંક સમયમાં માં અન્નપૂર્ણા દેવીની સવારી ભારત આવી પહોંચશે તેવું સમાચાર સૂત્રો દ્વારા જાણવા મળે છે.

(12:34 pm IST)
  • અરબી સમુદ્રમાં ‘ગતિ’ વાવાઝોડુ સક્રિય: સાંજે 6 કલાકે 32 કિમીની ઝડપે આગળ વધી રહ્યું છે: જાફરાબાદ અને વેરાવળ બંદરે 2 નંબરનું સિગ્નલ લગાવાયુ. access_time 9:08 pm IST

  • કાઠમંડુમાં ચીન વિરોધી દેખાવો શરૂ થયા : નેપાળના પાટનગર કાઠમંડુથી અહેવાલો મળી રહ્યા છે કે કાઠમંડુમાં ચિન વિરોધી જોરદાર દેખાવો શરૂ થઈ ગયા છે. ચાઈનાએ નેપાળની સરહદે સંખ્યાબંધ જિલ્લાઓમાં જમીનો ઉપર દબાણ કર્યું છે તેના વિરોધમાં આ દેખાવો સર્જાયાનું જાણવા મળે છે.(ફાઇલ તસ્વીર) access_time 10:39 am IST

  • મદ્રેસામાંથી ઝડપાયો આતંકવાદી : ઘેરાબંધી કરીને સેનાના જવાનોએ દબોચી લીધો : કેટલીય ગતિવિધિઓમાં સામેલ હોવાનો ખુલાસો :જમ્મુ કશ્મીરના પુલવામાં જિલ્લાના એક મદ્રેસામાંથી આતંકીની ધરપકડ : આતંકીઓ છુપાયો હોવાની બાતમીના આધારે પોલીસે તલાસી અભિયાન ચલાવી ઝડપી લીધો access_time 11:44 pm IST