Gujarati News

Gujarati News

News of Thursday, 24th September 2020

" ટ્રમ્પ મોદી ફેક્ટર " : અમેરિકાના પ્રેસિડન્ટ પદની ચૂંટણીમાં ભારતના વડાપ્રધાન શ્રી નરેન્દ્ર મોદી સાથેની દોસ્તી ડોનાલ્ડ ટ્રમ્પને સ્થાનિક ભારતીયોના વધુ મતો અપાવશે : ટ્રમ્પ વિક્ટરી ઇન્ડિયન અમેરિકન ફાઇનાન્સ કમિટીનો સર્વે

વોશિંગટન : અમેરિકામાં 3 નવેમ્બરના રોજ પ્રેસિડન્ટ પદની ચૂંટણી યોજાનાર છે.જેમાં રિપબ્લિકન પાર્ટીના વર્તમાન પ્રેસિડન્ટ ડોનાલ્ડ ટ્રમ્પ અને ડેમોક્રેટિક પૂર્વ વાઇસ પ્રેસિડન્ટ જો બિડન વચ્ચે સ્પર્ધા છે.તેવા સંજોગોમાં ભારતના વડાપ્રધાન શ્રી નરેન્દ્ર મોદી સાથેની દોસ્તી ડોનાલ્ડ ટ્રમ્પને ઇન્ડિયન અમેરિકન સમુદાયના વધુ મતો અપાવશે તેવું ટ્રમ્પ વિક્ટરી ઇન્ડિયન અમેરિકન ફાઇનાન્સ કમિટીના સર્વેમાં બહાર આવ્યું છે.
સર્વેમાં જાણવા મળ્યા મુજબ રિપબ્લિક અને ડેમોક્રેટ પાર્ટીના બંને ઉમેદવારો ભારતની આંતરિક સમસ્યાઓ જેવી કે કાશ્મીર સહિતના મુદ્દે નિવેદનો આપવાનું ટાળે છે.જયારે અન્ય આંતર રાષ્ટ્રીય મુદ્દાઓ ઉપર ટ્રમ્પ અને મોદીની સમાન વિચારધારા તથા દોસ્તી સ્થાનિક ભારતીયોના મતો અંકે કરાવવામાં મહત્વનું યોગદાન આપનારા બની રહેશે.ખાસ કરીને ભારતીયોની વધુ વસ્તી ધરાવતા વિસ્તારોમાં આ બાબત મહત્વની પુરવાર થશે તેવું સમાચાર સૂત્રો દ્વારા જાણવા મળે છે.

(7:39 pm IST)
  • બુમ બુમ બુમરાહ :બુમરાહે ગઈકાલે તેની પહેલી ૩ ઓવરમાં ફકત પાંચ રન આપીને રસેલ અને મોર્ગન જેવી મોટી વિકેટ આપી હતી. જો કે તેની ચોથી ઓવરમાં કમીન્સે ચાર સિકસર સાથે ૨૭ રન ઝૂડી કાઢ્યા હતા. access_time 2:51 pm IST

  • આજથી 3 દિવસ માટે પંજાબ બંધ : કૃષિ બિલના વિરોધમાં 24 થી 26 સપ્ટેમ્બર દરમિયાન બંધનું એલાન : રેલ રોકો આંદોલનને કારણે અનેક રૂટની ટ્રેનો બંધ રહેશે : અમુક ટ્રેનોના સમય બદલાશે : વાહન વ્યવહાર ઉપર અસર થશે : આંદોલનકારીઓ પ્રત્યે નરમ વલણ અપનાવવા પોલીસ ડિપાર્ટમેન્ટને રાજ્ય સરકારની સૂચના : શાંતિપૂર્ણ આંદોલન કરવા અનુરોધ access_time 11:53 am IST

  • દેશમાં કોરોનાના કહેર વચ્ચે 47 લાખથી વધુ દર્દીઓ રિકવર થયા : રાત્રે 8 વાગ્યા સુધીમાં વધુ 28,775 દર્દીઓ સ્વસ્થ થતા કુલ 27,00,625 રિકવર થયા access_time 8:25 pm IST