Gujarati News

Gujarati News

News of Saturday, 21st November 2020

અમેરિકાના પ્રેસિડન્ટ તરીકે ચૂંટાઈ આવેલા જો બિડનની સંભવિત કેબિનેટમાં 3 ઇન્ડિયન અમેરિકનને સ્થાન મળે તેવી શક્યતા : પૂર્વ સર્જન જનરલ શ્રી વિવેક મુર્થી , પેપ્સિકોના પૂર્વ ચેરપર્સન સુશ્રી ઇન્દ્રા નૂયી ,તથા પ્રોફેસર શ્રી અરુણ મજુમદાર ઉપર પસંદગીનો કળશ ઢોળાય તેવો સ્થાનિક અખબારોનો અહેવાલ

વોશિંગટન : અમેરિકાના પ્રેસિડન્ટ તરીકે ચૂંટાઈ આવેલા જો બિડનની સંભવિત કેબિનેટમાં 3 ઇન્ડિયન અમેરિકનને સ્થાન મળે તેવી શક્યતા સ્થાનિક વર્તમાનપત્રો દર્શાવી રહ્યા છે.

આ ત્રણ સંભવિત ઇન્ડિયન અમેરિકનોમાં પૂર્વ સર્જન જનરલ શ્રી વિવેક મુર્થી , પેપ્સિકોના પૂર્વ ચેરપર્સન સુશ્રી ઇન્દ્રા નૂયી ,તથા પ્રોફેસર શ્રી અરુણ મજુમદાર ઉપર પસંદગીનો કળશ ઢોળાય તેવી ચર્ચા હોવાનું જાણવા મળે છે.

પૂર્વ સર્જન જનરલ શ્રી વિવેક મુર્થી જો બિડનના કોવિદ -19 અભિયાનના ટોપ એડ્વાઇઝર તરીકે જવાબદારી સંભાળી  રહ્યા છે.જેઓને સેક્રેટરી ઓફ હેલ્થ એન્ડ હ્યુમન સર્વિસીસ સેક્રેટરી તરીકે નિમણુંક મળી શકે છે.

પેપ્સિકોના પૂર્વ ચેરપર્સન સુશ્રી ઇન્દ્રા નૂયી કે જેઓ હાલમાં એમેઝોન કંપનીના  બોર્ડ મેમ્બર છે.તેમને કોમર્સ સેક્રેટરી તરીકે પસંદ કરવામાં આવી શકે તેવી ચર્ચા છે.

જયારે સ્ટેનફોર્ડ યુનિવર્સીટી પ્રોફેસર શ્રી અરુણ મજુમદારને સેક્રેટરી ઓફ એનર્જી ની પોસ્ટ માટે પસંદ કરવામાં આવી શકે તેવું વોશિંગટન પોસ્ટ તથા પોલિટિકો માં પ્રસિદ્ધ થયેલી કેબિનેટના સંભવિત ઉમેદવારોની યાદી દ્વારા જાણવા મળે છે.

(7:08 pm IST)
  • મનોજ સીસોદીયા ઉપર ભાજપ બરાબર તૂટી પડ્યુઃ દિલ્હીના ઉપમુખ્યમંત્રી 'આપ' પક્ષના મનીષ સીસોદીયા એક લગ્નમાં 'માસ્ક' પહેર્યા વિના ઉપસ્થિત રહેતા ભાજપે ટ્વીટમાં લખ્યુ છે કે 'ચલણ માત્ર જનતા ભરશે અને આપ તે પૈસાની જાહેરાત આપશો' access_time 3:48 pm IST

  • દેશમાં કોરોનાના નવા કેસ કરતા સ્વસ્થ થનારની સંખ્યામાં વધારો :એક્ટિવ કેસમાં સતત ઘટાડો :રાત્રે 11 વાગ્યા સુધીમાં કોરોનાના નવા 34,564 કેસ નોંધાયા:કુલ કેસનો આંકડો 91,75,876 થયો :એક્ટીવ કેસ ઘટીને 4,37,778 થયા:વધુ 39,364 દર્દીઓ સ્વસ્થ થતા કુલ 86,00,808 રિકવર થયા :વધુ 440 લોકોના મોત સાથે કુલ મૃત્યુઆંક 1,34,213 થયો access_time 12:36 am IST

  • માસ્ક નહિ પહેરો તો આવશે ઘરે ઈ મેમો: સુરત મહાનગર પાલિકા હવે સીસીટીવી કેમેરાના આધારે વાહન ચાલકો પર નજર રાખશે. બાઇક ચાલક કે પાછળ બેઠેલા વ્યક્તિ એ માસ્ક નહિ પહેર્યું હોય તો ઘરે 1000 નો મેમો આવશે access_time 12:31 am IST