Gujarati News

Gujarati News

News of Saturday, 21st November 2020

કોરોના કાળમાં મ.ન.પા.એ ઉઘરાણીનો ધોકો પછાડ્યો : ૧.૯૬ લાખ મિલ્કત ધારકોને નોટીસો

ર૬૦ કરોડની વેરા આવકનો લક્ષ્યાંક પૂર્ણ કરવા કવાયત

રાજકોટ, તા. ર૧ : કોરોના કાળ ચાલી રહ્યો છે. લોકડાઉન સહિતની સમસ્યાને કારણે મ.ન.પા.થી વેરા શાખાને પણ આવકમાં ગાબડુ પડયું છે ત્યારે હવે વેરા શાખાએ રૂ. પ૦૦૦ થી વધુનો વેરો બાકી હોય તેવા ૧.૯૬ લાખ લોકોને નોટીસો ફટકારી વેરાની ઉઘરાણી શરૂ કરી છે.

આ અંગે સતાવાર પ્રાપ્ત વિગતો મુજબ આ વર્ષ રૂ. ર૬૦ કરોડની વેરા આવકનો લક્ષ્યાંક બજેટમાં મુકવામાં આવ્યો છે. તેની સામે આજ સુધીમાં ૧૪ર કરોડની આવક થઇ છે. ત્યારે હવે લક્ષ્યાંકમાં ૧ર૦ કરોડનું ગાબડુ પુરવા વેરા વિભાગે રૂ. પ૦૦૦ થી વધુ નો વેરો બાકી હોય તેવા ૧.૯૬ મિલ્કત ધારકોનું હીટ લીસ્ટ તૈયારી કરી તમામને પોસ્ટ મારફત ડીમાન્ડ નોટીસ આપવાનો પ્રારંભ થયો છે.

નોંધનીય છે કે કોરોના કાળમાં લોકડાઉન સહિતનાં પરિબળોને કારણે તંત્રએ હજુ સુધી હરરાજી, મિલ્કત સીલ વગેરે કડક કાર્યવાહી શરૂ નથી કરી ત્યારે હવે આગામી ફેબ્રુઆરી-માર્ચમાં આ ઝુંબેશ શરૂ કરી શકશે કે કેમ ? તે જોવાનું રહ્યું.

(4:22 pm IST)
  • એક લેબ્રાડોર ડોગ, અને બે માલીક, હવે પોલીસ કરાવશે શ્વાનનો DNA ટેસ્ટ : હોશંગાબાદમાં એક લેબ્રા ડોગ પર બે લોકોએ માલિકી હક્ક બતાવ્યો :મામલો વધુ બિચકાતા પોલીસ મથકે પહોંચ્યો : બંને પક્ષોએ પોતાની તરફેણમાં કેટલાક દસ્તાવેજો પણ રજૂ કરતા પોલીસ પણ ચકરાવે ચડી : હવે પોલીસ કરાવશે શ્વાનનો DNA ટેસ્ટ access_time 12:52 am IST

  • કાશ્મીરમાં સંખ્યાબંધ સ્થળોએ ઈડીના દરોડા : જમ્મુ અને કાશ્મીર બેંકમાં શંકાસ્પદ વ્યવહારોને સાંકળતા મની લોન્ડરિંગ અંગેની તપાસના સંદર્ભે એન્ફોર્સમેન્ટ ડાયરેક્તટોરેટે આજે કાશ્મીરમાં અનેક જગ્યાએ દરોડા પાડયા છે. access_time 6:32 pm IST

  • દેશમાં કોરોનાના નવા કેસ કરતા સ્વસ્થ થનારની સંખ્યામાં એકધારો વધારો :એક્ટિવ કેસમાં સતત ઘટાડો :રાત્રે 12 વાગ્યા સુધીમાં કોરોનાના નવા 45,877 કેસ નોંધાયા :કુલ કેસનો આંકડો 90,50,212 થયો :એક્ટીવ કેસ ઘટીને 4,39,839 થયા:વધુ 48,560 દર્દીઓ સ્વસ્થ થતા કુલ 84,75,576 રિકવર થયા :વધુ 559 લોકોના મોત સાથે કુલ મૃત્યુઆંક 1,32,761 થયો access_time 1:06 am IST