Gujarati News

મીઠાપુરઃ ગાયોની સેવા માટે પ્રખ્યાત બાલમુકુંદ ચેરિટેબલ ટ્રસ્ટ મીઠાપુર સંચાલિત બાલમુકુંદ પાંજરાપોળ ગૌશાળામાં હાલ શ્રાદ્ધના દિવસોમાં ગાયો માટે લાડવા બનાવવાનું આયોજન કરવામાં આવ્યું છે. આ ગૌશાળામાં શ્રાદ્ધના દિવસોમાં રાત્રે ૯ વાગ્યાથી જ ગ્રામજનો અને સ્થાનિક વેપારીઓ પોતાની મેળે જ આવી પોતાના હાથે જ ગાયમાતા માટે લાડવા બનાવવાની કામગીરી કરી છે. ત્યારબાદ આ લાડવા ત્યારે જ મીઠાપુર અને સુરજકરાડીના અલગ અલગ વિસ્તારોમાં જઇ અને ગાયોને ખવડાવવામાં આવે છે. આ લાડવા ઘઉં, તેલ, ગોળ, ભૂસો અને વિટામીન યુકત દવાઓથી મિશ્રિત હોય છે. આ સેવાયજ્ઞમાં બાલમુકુંદ ગૌશાળાના કાર્યકરો પણ સાથે જોડાય છે. (તસ્વીરઃ દિવ્યેશ જટણીયા.મીઠાપુર)