Gujarati News

પર્યાવરણીય ટકાઉપણું અંતર્ગત યોજાનાર રાષ્ટ્રીય કક્ષાના સંવાદમાં સમગ્ર  દેશમાંથી રીસર્ચ પેપર્સ રજુ થશેઃ પર્યાવરણને બચાવવાના તમામ પગલા વિશે તથા હાલની સમસ્યાઓ સંદર્ભે ચિંતન-મનન થશેઃ વિદ્વાન સમાજશાસ્ત્રીઓ વર્ચ્યુઅલી હાજર રહેશે- રજીસ્ટ્રેશન કરાવવા માટેની અંતિમ તા.૧૪-૧-૨૦૨૧

(વિનુ જોષી દ્વારા) જુનાગઢ, તા.૧૨: ભકતકવિ નરસિંહ મહેતા યુનિવર્સિટી, જુનાગઢના સમાજશાસ્ત્ર ભવન દ્વારા આગામી તા.૨૯ જાન્યુઆરી, ૨૦૨૧ના રોજ ' સોશ્યલ, ઈકોનોમી એન્ડ પોલીટીકલ ઇન્ટરવેન્સન ફોર એન્વાયરમેન્ટલ સસ્ટેનેબિલેટી' શીર્ષક હેઠળ નેશનલ ઈ-કોફરન્સનું આયોજન ભકતકવિ નરસિહ મહેતા યુનિવર્સિટીના કુલપતિશ્રી પ્રો. (ડો.)ચેતનભાઈ ત્રિવેદીના અધ્યક્ષસ્થાને કરવામાં આવ્યું છે. 'પર્યાવરણીય ટકાઉપણું' અંતર્ગત યોજાનાર રાષ્ટ્રીય કક્ષાના આ સંવાદમાં સમગ્ર દેશમાંથી શિક્ષણવિદો, સંશોધકો તથા વિદ્યાર્થીઓ પોતાના રીસર્ચ પેપર્સ રજુ કરશે.

આ નેશનલ કોન્ફરન્સમાં પર્યાવરણને બચાવવાના તમામ પગલાઓ વિશે તથા હાલમાં પર્યાવરણ સંદર્ભે સામાજીક, આર્થિક તથા રાજકીય હસ્તક્ષેપ વિશે ઊંડાણપૂર્વક ચેંતન-મનન કરવામાં આવશે. સમગ્ર દેશમાંથી વિધ્વાન સમાજશાસ્ત્રીઓ ઓનલાઈન-વર્ચ્યુઅલી હાજર રહેશે અને કોન્ફરન્સમાં જોડાયેલા તમામ રીસચર્સને પ્રોત્સાહિત કરી સાચા અર્થમાં પર્યાવરણનું મહત્વ સમજાવશે. રજીસ્ટ્રેશન કરાવવા માટેની છેલ્લી તા.૧૪-૦૧-૨૦૨૧ છે. રીસર્ચ પેપર્સ માટેની એબ્સેટ્રેકર  સબમીશનની અંતિમ તા.૧૮-૦૧-૨૦૨૧ છે તથા કુલ રીસર્ચ પેપર્સ સબમીટ કરવાની અંતિમ તા.૨૩-૦૧-૨૦૨૧ છે.

સમગ્ર કોન્ફરન્સને સફળ બનાવવા માટે સમાજશાસ્ત્ર ભવનના અધ્યક્ષ ડો.જયસિંહ ઝાલા, ડો.પરાગ દેવાણી, ડો.ઋષિરાજ ઉપાધ્યાય, પ્રા.નીતિન મકવાણા સહિતના તમામ ટીચીંગ-નોન ટીચીંગ સ્ટાફ જહેમત ઉઠાવી રહ્યા છે.