Gujarati News

Gujarati News

News of Wednesday, 16th September 2020

કલ્યાણપુરના માળી ગામે જુના મનદુઃખમાં હુમલો

ખંભાળીયા, તા., ૧૬: કલ્યાણપુર તાલુકાના માળી ગામ પાસે વગડીયાની સીમમાં રહેતા રામદે ખીમાણંદભાઇ જામ (ઉ.વ.૩૬) નો ગઢવી યુવાન મોટર સાયકલ લઇને વાડીએ જતો હોય ત્યારે રાણા દેવાણંદ જામ, નારૂ દેવા જામ, ેરાજ ગુસા જામ તથા ભાયા ગુસા જામ બધાએ સાથે મળી યુવાનને આંતરી તારે અહીથી નિકળવુ નહી તેમ કહી ગાળો આપી ઢીકા પાટુ અને લાકડી વડે માર મારી જાનથી મારી નાખવાની ધમકી આપતા રામદે જામની ફરીયાદનાં આધારે કલ્યાણપુર પોલીસે ચારેય શખ્સો વિરૂધ્ધ ગુનો નોંધી વિશેષ તપાસ હાથ ધરી છે. પોલીસની પ્રાથમીક તપાસમાં ર૦૦૬માં આરોપી રાણા દેવાણંદ જામના સગાભાઇ અને કાકાનું મર્ડર થયું હતું તેનો આક્ષેપ કરતા તેનો ખાર રાખી હુમલો કરવામાં આવયો હોવાનું બહાર આવ્યુ઼ છે. પોલીસે વધુ તપાસ હાથ ધરી છે.

ભાણવડના વાગડીયા નેશમાંથી આથો ઝડપાયો

ભાણવડ પોલીસે વાગડીયા નેસમાં પાણીના વોકરા ઉપર દેશી દારૂની ભઠ્ઠી ચાલતી હોવાની બાતમીના આધારે પોલીસે દરોડો પાડતા સ્થળ પરથી દેશી દારૂ બનાવવાનો આથો લીટર પર૦૦ કિ.રૂ. ૧૦,૪૦૦નો મળી આવતા તેનો નાશ કરી તપાસ હાથ ધરતા દેશી દારૂની ભઠ્ઠી ધામણી નેશમાં રહેતા લાખા સામત રબરી અને ગડુ પાટીયા પાસે રહેતા ભના સામત રબારીની હોવાનું ખુલતા પોલીસે બન્ને શખ્સોને ફરાર જાહેર કરી ગુનો નોંધી શોધખોળ હાથ ધરી છે.

(11:29 am IST)
  • દેશના પ્રધાનમંત્રી નરેન્દ્ર મોદી આજે 70 વર્ષના થયા છે. દેશભરમાં ભારતીય જનતા પાર્ટી PM મોદીના જન્મદિવસને 'સેવા સપ્તાહ' તરીકે મનાવી રહી છે. આ સાથે જ દિગ્ગજ નેતાઓ દ્વારા PM મોદીને જન્મદિવસની શુભેચ્છાઓ પાઠવવામાં આવી રહી છે. રાષ્ટ્રપતિ રામનાથ કોવિંદથી લઇને ગૃહમંત્રી અમિત શાહ, રક્ષા મંત્રી રાજનાથસિંહ, કોંગ્રેસ નેતા રાહુલ ગાંધી અને અન્ય મોટા નેતાઓએ પીએમ મોદીને જન્મદિવસની શુભેચ્છા પાઠવી. access_time 9:17 am IST

  • પેટ્રોલ ડીઝલના ભાવમાં સતત પાંચમા દિવસે ઘટાડો : પેટ્રોલમાં 25 પૈસા અને ડીઝલનાં ભાવમાં પ્રતિ લિટરે 38 પૈસાનો ઘટાડો : નવો ભાવ સવારે છ વાગ્યાથી લાગુ થશે. access_time 11:34 pm IST

  • ચીનના જાસૂસી કાંડ મામલે તપાસ :ચીની કંપનીના જાસૂસી કાંડ મામલે કેન્દ્ર સરકારે રાષ્ટ્રીય સાયબર સુરક્ષા સમન્વયકના વડપણ હેઠળ કમિટીની રચના :30 દિવસમાં માંગ્યો રિપોર્ટ access_time 1:03 am IST