Gujarati News

Gujarati News

News of Thursday, 17th September 2020

કોરોના કેસ વધતા જામનગરની ચાંદીબજારમાં સ્વૈચ્છિક લોકડાઉન : બપોરના બે વાગ્યા સુધી તમામ દુકાનો બંધ રહેશે :ગ્રેઇન માર્કેટના વેપારીઓની જેમ નિર્ણય

જામનગર ::જામનગરની ચાંદી બજારમાં આજથી 29 સપ્ટેમ્બર સુધી લોકડાઉન નો નિર્ણય લેવાયો છે. હાલ શહેરમાં વધી રહેલા કોરોના લોકલ સંક્રમણને ધ્યાને લઇ સોની વેપારીઓ દ્વારા ગ્રેઇન માર્કેટના વેપારીઓની જેમ સ્વૈચ્છિક રીતે આ નિર્ણય લેવામાં આવ્યો છે. આજથી આગામી 29 સપ્ટેમ્બર સુધી જામનગરની મધ્યમાં આવેલી ચાંદી બજાર લેવાયેલા નિર્ણયને પગલે બપોરે 2 વાગ્યા સુધી બંધ રહેશે.આજ સવારથી ચાંદી બજાર માં આવેલી  સોના ચાંદીની  દુકાનો મહદંશે બંધ જોવા મળી હતી. જે પ્રકારે જે પ્રકારે ગ્રેઇન માર્કેટમાં લોકડાઉનનો નિર્ણય લેવાયો છે તેવી જ રીતે જામનગરની સોની બજાર પણ આજથી આગામી 29 સપ્ટેમ્બર સુધી અડધો દિવસ બંધ રહેશે એટલે કે સવારે સાતથી બપોરે બે સુધી બંધ રહેશે અને આંશિક લોકડાઉન માટે સ્વૈચ્છિક નિર્ણય લેવાયો છે.

(11:02 am IST)
  • ગુજરાત ઉપરાંત દિલ્હી ,ઉત્તરાખંડ ,તામિલનાડુ ,તથા ઉત્તર પ્રદેશમાં 21 સપ્ટેમ્બરથી સ્કૂલો નહીં ખુલે : હરિયાણામાં સ્કૂલો ખુલી જશે : છત્તીસગઢ અને બિહાર હજુ સુધી અવઢવમાં : અનલોક 4 દરમિયાન 21 સપ્ટેમ્બરથી સ્કૂલો ફરીથી ચાલુ કરી શકવાના કેન્દ્ર સરકારના સૂચન સાથે મોટા ભાગના રાજ્યો અસંમત access_time 12:11 pm IST

  • દેશમાં કોરોનાનો કહેર યથાવત :રાત્રે 11-30 વાગ્યા સુધીમાં નવા 97.856 પોઝીટીવ નોંધાયા : કુલ કેસની સંખ્યા 51.15.893 થઇ : એક્ટિવ કેસ 10.09.886 થયા : વધુ 82,922 દર્દીઓ સ્વસ્થ થતા 40.22.049 રિકવર થયા : વધુ 1140 લોકોના મોત : મૃત્યુઆંક 83,230 થયો access_time 1:06 am IST

  • સરદાર સરોવર ડેમની સપાટી 138 મીટર : નર્મદા ડેમ અંગે અંગે નાયબ મુખ્યમંત્રી નીતિનભાઈ પટેલે કહ્યું- સરદાર સરોવર ડેમની સપાટી 138 મીટર થઈ:ડેમમાં હાલ પાણીની આવક ચાલુ: વડાપ્રધાન મોદીના જન્મ દિવસે નર્મદા ડેમ ભરાઈ જશે: ઉદ્યોગો, પશુઓ અને ખેતીને ફાયદો થશે: પાણીની આવકના કારણે પાવર હાઉસ ચાલુ છે. access_time 12:52 am IST