Gujarati News

Gujarati News

News of Monday, 26th October 2020

આપણે અંતિમ પળ સુધી હાર ન માનવી જોઇએ અને અંત સુધી લડાઇ ચાલુ રાખવી જોઇએઃ જીત બાદ મેદાન તરફ નજર ફેરવીને પ્રિતી ઝીંટાએ ફલાઇંગ કિસ કરતા ભારે ચર્ચા

દુબઇ: કિંગ્સ ઈલેવન પંજાબ ટીમ ( KXIP) ને આઈપીએલ 2020 (IPL 2020) ની શરૂઆતમાં કંઈ ખાસ સફળતા મળી ન હીત. પરંતુ જે રીતે ટીમે સતત 4 જીત મેળવી લીધી છે, તે કાબિલે-દાદ છે. શનિવારે પંજાબની ટીમે સનરાઈઝર્સ હૈદરાબાદને રોમાંચક મુકાબલામાં 12 રનથી માત આપી હતી અને પોઈન્ટ ટેબલમાં 5મુ સ્થાન મેળવ્યું હતું. આ જીત બાદ પંજાબના પ્લેયર્સ બહુ જ ઉત્સાહિત દેખાઈ રહ્યા છે. તો ટીમની માલિક પ્રીતિ ઝિંટાની ખુશીમાં પણ ચાર ચાંદ લાગી ગયા છે. જીત બાદ પ્રીતિએ મેદાન તરફ નજર ફેરવીને ફ્લાઈંગ કિસ આપી હતી. આ મોમેન્ટને તેના ફેન્સ બહુ જ પસંદ કરી રહ્યાં છે.

પ્રીતિ ઝિંટાની ફ્લાઈંગ કિસ હાલ સોશિયલ મીડિયા પર ચર્ચાને ચગડોળે ચઢી છે. ચાર જીતથી પ્રીતિ ઝિંટા હાલ ફુલ ફોર્મમાં છે. પ્રીતિએ ટ્વિટર પર લખ્યું કે, હુ એટલી ઉત્સાહિત છું કે આજે ઊંઘી નહિ શકું. પરંતુ કોઈ વાત નથી. અપના પંજાબ જીત ગયા. આશા રાખું છું કે, આપણે હવે આપણા ફેન્સને કોઈ ઝટકા નહિ આપીએ. આજે આપણને બધાને શીખ મળી છે કે, આપણે અંતિમ પળ સુધી હાર માનવી ન જોઈએ. અને અંત સુધી લડાઈ ચાલુ રાખવી જોઈએ.

સાથે જ પ્રીતિએ આ જીતની ક્રેડિટ પોતાની ટીમના બેટ્સમેનને આપી છે. જેમાં ક્રિસ જોર્ડન, મોહંમદ શમી, અર્શદીપ સિંહ, રવિ બિશ્નોઈ, અશ્વિન મુરૂગન અને મનદીપ સિંહ સામેલ છે. સાથે જ પ્રીતિએ કેએલ રાહુલના કેપ્ટનશિપના પણ વખાણ કર્યાં છે.

પ્રીતિ ઝિંટાની આ ખુશીમાં તેના ફેન્સ પણ સામેલ થઈ ગયા છે. ફેન્સે ટ્વિટર પર પ્રીતિને જીતના અભિનંદન આપ્યા છે. અલગ અલગ અંદાજમાં ખુશી વ્યક્ત કરી રહ્યાં છે. આવો જોઈએ આવી જ કેટલીક ટ્વીટ.

 

(4:46 pm IST)
  • ભારતના રાષ્ટ્ર ધ્વજ ત્રિરંગાની અવગણના કરનાર મહેબુબા મુફ્તીની પીડીપી પાર્ટીમાં તિરાડ : પાર્ટી અધ્યક્ષ મહેબુબાના નિવેદનથી નારાજ થયેલા 3 આગેવાનોએ રાજીનામાં આપી દીધા : ટી.એસ.બાજવા ,વેદ મહાજન ,તથા હુસેન એ.વફાએ મહેબૂબાને પત્ર લખી નારાજગી વ્યક્ત કરી રાજીનામાં આપી દીધા : મહેબૂબાએ કાશ્મીરમાં 370 મી કલમ ફરીથી લાગુ ન થાય ત્યાં સુધી ત્રિરંગાને હાથ અડાડવાનો ઇન્કાર કરી દીધો હતો access_time 8:11 pm IST

  • ઝારખંડ : પિકનિક મનાવવા નીકળેલા અને બાગમુંડા ધોધ પર ગયેલા ૭, ૧૧, ૧૬ વર્ષના ત્રણ બાળકો નદીના તીવ્ર પ્રવાહમાં તણાય ગયા, બેના મૃતદેહ મળ્યા: કિશોરીની શોધ ચાલુ.. access_time 10:02 pm IST

  • દેશમાં કોરોના ધીમો પડ્યો : નવા કેસની સંખ્યામાં એકધારો ઘટાડો : નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 વાગ્યા સુધીમાં કોરોનાના નવા 35,932 કેસ નોંધાયા:કુલ કેસનો આંકડો 79,45,777 થયો :એક્ટીવ કેસ ઘટીને 6,26,220 થયા:વધુ 63,572 દર્દીઓ સ્વસ્થ થતા કુલ 71,98,660 રિકવર થયા :વધુ 482 લોકોના મોત સાથે કુલ મૃત્યુઆંક 1,19,534 થયો access_time 12:50 am IST