Gujarati News

મોટે ભાગે રોમાન્ટીક ફિલ્મો બનાવવા માટે જાણીતા કરણ જોહરે હવે એકશન ફિલ્મમાં હાથ અજમાવવાની તૈયારી કરી છે. તેની આ ફિલ્મમાં સિધ્ધાર્થ મલ્હોત્રા મુખ્ય હીરો છે. સાથે દિશા પટાની અને રાશી ખન્નાને મુખ્ય ભુમિકામાં સામેલ કરવામાં આવી છે. જો બધુ પાક્કુ થઇ જશે તો આ ત્રણેય પહેલી વખત એક સાથે દેખાશે. મોટા પાયે બનનારી આ ફિલ્મનું નિર્દેશન પૂષ્કર ઓઝા અને સાગર આમરે કરશે. કરણ જોહરના ધર્મા પ્રોડકશનની ઓફિસ બહાર સિદ્ધાર્થ અનેક વખત જોવા મળ્યો છે. શરૂઆતમાં આ ફિલ્મનું નામ 'યોધ્ધા' રાખવામાં આવ્યુ હતું અને એમાં શાહિદ કપૂર કામ કરવાનો હતો. જોકે શાહિદ આ ફિલ્મ ન કરી શકતાં હવે સિધ્ધાર્થને લેવાયો છે. કરણે પોતે જ ઇન્સ્ટાગ્રામ પર એકશન ફિલ્મ લાવી રહ્યાની માહિતી આપી હતી. સિધ્ધાર્થ છેલ્લે શેરશાહમાં દેખાયો હતો. તેના અભિનયના સોૈએ ભરપુર વખાણ કર્યા છે. આ ફિલ્મ પછી સિધ્ધાર્થનો સિતારો વધુ ચમકવા માંડ્યો છે.