Gujarati News

(ભરત શાહ દ્વારા) રાજપીપળા : નર્મદા જીલ્લા ની ડેડીયાપાડા વિધાનસભા બેઠક ના આમ આદમી પાર્ટીના ઉમેદવાર ચૈતર વસાવા એ મોડી રાત્રે નર્મદા પોલીસ દ્વારા પોતાનુ અપહરણ કરી હત્યા કરવાનો પોલીસ ઉપર ગંભીર આરોપ લગાવ્યો છે,અને આ અંગે ચૂંટણી પંચ માં લેખિત ફરિયાદ કરતા ચકચાર મચી જવા પામી છે.
આમ આદમી પાર્ટીના ઉમેદવાર ચૈતર વસાવા એ ચુંટણી પંચ માં કરેલી લેખિત ફરિયાદ માં નર્મદા જીલ્લા પોલીસ વડા સહિત એલ. સી. બી. પી આઈ., ડેડિયાપાડા સી. પી આઈ., પોલીસ ઇન્સ્પેક્ટર વિગેરે નાઓ એ પોતાની અપહરણ કરી હત્યા કરવા નો કારસો રચ્યો હોવાની ફરિયાદ કરી છે.ત્યારે આ વાતમાં કેટલું તથ્ય છે એ તપાસ બાદ બહાર આવશે. પરંતુ આ ફરિયાદ બાદ નર્મદા જિલ્લામાં રાજકારણ માં ગરમાવો આવ્યો છે.