Gujarati News

Gujarati News

News of Wednesday, 16th September 2020

હું કોની સાથે વાતો કરૂં : મારી સાથે વાતો કરનાર કોઇ નથી

પત્ની અવસાન પામ્યા પછી બિટિશ દાદાએ ઘરની બહાર પોસ્ટર મૂકયું છે

લંડન,તા. ૧૬: બ્રિટનના ઇસ્ટ હેમ્પશરમાં ૭૫ વર્ષના રિટાયર્ડ ફિઝિસિસ્ટ ટોની વિલિયમ્સનાં પત્ની પેન્કિયાટિક કેન્સરને કારણે મૃત્યુ પામ્યા પછી તેમને માટે એકાંત અસહ્ય બન્યું છે. ટોની વિલિયમ્સે ઘરની બહાર પોસ્ટર મૂકયું છે. એ પોસ્ટર પર લખ્યું છે. 'હું કોની સાથે વાતો કરૃં, મારી સાથે વાતો કરનાર કોઇ નથી. ' નિઃસંતાન ટોનીનાં કોઇ સગાં પણ નજીક રહેતાં નથી. પત્ની અવસાન પામ્યા પછી એકાંતને અભિશાપ માનતા ટોનીદાદા ટેલિફોન પાસે બેસી રહે છે. તેઓ ટેલિફોનની ઘંટડી વાગવાની રાહ જોયા કરે છે. કદાચ કોઇ ફોન કરશે અને હું બે ઘડી વાતો કરીશ એવી ધારણા સાથે ટોનીદાદા ફોન પાસે બેઠા રહે છે. ટોનીએ મિત્રો બનાવવાના પ્રયાસ કર્યા, પરંતુ કોઇ મિત્ર વાતો કરવા આવતો નથી. ટોનીના ઘર પાસેથી પસાર થનારા લોકો પણ ઓછા હોય છે. અજાણી વ્યકિતઓને રોકીને વાતો ન કરાય, એથી આશા જાગી છે કે કદાચ લોકોમાં વાત ફેલાય અને કોઇ એકાંત પર પૂર્ણવિરામ મૂકવા આવી પહોંચે.

(11:35 am IST)
  • ર૧ સપ્ટેમ્બરથી ધો.૯ થી ૧રના વિદ્યાર્થીઓ માટે શાળાઓ નહીં ખુલેઃ કેબીનેટની બેઠકમાં ‌નિર્ણય access_time 1:15 pm IST

  • રાજસ્થાનમાં ફરી રાજકીય તણાવના એંધાણ : ગેહલોતના મંત્રી વિરુદ્ધ ધારાસભ્યે ખોલ્યો મોરચો : ગજેન્દ્રસિંહ શેખાવતે કહ્યું હવે શરૂ થશે નકારાનિકમ્મા પાર્ટ-2: ખાણ વિભાગના મંત્રી પ્રમોદ જૈન ભાયાનું નામ લીધા વિના ધારાસભ્ય ભરતસિંહે લખેલ પત્રમાં કહેવાયું કે મુખ્યમંત્રીએ રાજ્યના પ્રભારી મંત્રીઓને બદલી નાખ્યા પરન્તુ સૌથી ભ્રષ્ટ મંત્રીને હજુ સુધી બરખાસ્ત કર્યા નથી access_time 8:58 am IST

  • " બંધ કરો મતદાન , બીક જાતે હૈ શ્રીમાન " : કોંગ્રેસ છોડી ભાજપમાં જોડાયેલા જ્યોતિરાદિત્ય સિંધિયાને માફ કરવાના મૂડમાં પ્રજા નથી : મધ્ય પ્રદેશમાં યોજાનારી 28 બેઠકોની પેટા ચૂંટણીના પ્રચારમાં નીકળેલા જ્યોતિરાદિત્ય સિંધીયાનો કાળા વાવટા દર્શાવી વિરોધ : ચીફ મિનિસ્ટર શિવરાજ સિંહ તથા ફાયર બ્રાન્ડ બીજેપી આગેવાન ઉમા ભારતી વિરુદ્ધ પણ સૂત્રોચ્ચારનો વિડિઓ વાઇરલ : સત્તા જાળવી રાખવા ભાજપ માટે 9 સીટ ઉપર વિજય મેળવવો મુશ્કેલ બની રહ્યો હોવાના એંધાણ access_time 8:56 pm IST