Gujarati News

નવી દિલ્હી: વિશ્વની ઘણી મોટી અર્થવ્યવસ્થાઓ કરતાં ચીનમાં બેરોજગારીનો દર ઊંચો છે. અહીં બેરોજગારીનો દર 19.3% છે, જ્યારે અમેરિકામાં બેરોજગારીનો દર માત્ર અડધો છે. તેથી, 2022 માં કરવામાં આવેલા ઘણા સંશોધનોમાં, એવું બહાર આવ્યું છે કે, એન્જિનિયરિંગની ડિગ્રી ધરાવતા યુવાનો હવે સરકારી કચેરીઓમાં ક્લાર્ક બનવા માટે મજબૂર છે. લગભગ 1.5 કરોડ યુવાનોએ સરકારી નોકરીઓ માટે અરજી કરી છે. શક્યતા છે કે, આ વર્ષે ચીનમાં નોકરીના ક્ષેત્રમાં આવનારા નવા ડિગ્રી ધારક વિદ્યાર્થીઓની સંખ્યા 12 મિલિયન છે. કોરોનાના સમયે, સરકારની કડક નીતિઓને કારણે ઘણી કંપનીઓમાં કર્મચારીઓની છટણી કરવામાં આવી હતી. જેના કારણે અનેક લોકો રસ્તા પર આવી ગયા હતા. તે જ સમયે, રિયલ એસ્ટેટ અને શિક્ષણ સાથે જોડાયેલી કંપનીઓને પણ સરકારની નીતિઓની અસર થઈ છે. આ વર્ષે 1.76 કરોડ કોલેજ ગ્રેજ્યુએટ બહાર આવ્યા છે, જેના કારણે નોકરીઓનું સંકટ ઉભું થયું છે. ચીનમાં લગભગ 8 કરોડ યુવાનો બેરોજગાર છે.

બેઇજિંગની સિંઘુઆ યુનિવર્સિટીના પ્રોફેસર ઝેંગ યુહુઆંગે કહ્યું કે, 2022 ચીન માટે મુશ્કેલ વર્ષ છે. ઝેંગના જણાવ્યા અનુસાર, 2022ના પ્રથમ ક્વાર્ટરમાં ચીનમાં 4.60 લાખ કંપનીઓ બંધ થઈ ગઈ છે. 31 લાખ વેપારી પરિવારો નાદાર થઈ ગયા છે. હાલમાં જ ચીનમાં ઘણી બેંકોમાંથી પૈસા ઉપાડવા પર પ્રતિબંધ મુકવામાં આવ્યો છે. બેંક ઓફ ચાઈનાનું કહેવું છે કે, અહીં જમા થયેલું નાણું રોકાણ છે. તેને દૂર કરી શકાતું નથી. ચીનમાં આ નિર્ણયનો ભારે વિરોધ થઈ રહ્યો છે. ચીનની સામ્યવાદી સરકારે લોકોને પૈસા ઉપાડવાથી રોકવા માટે મોટી સંખ્યામાં સેનાને રસ્તા પર ઉતારી છે.