Gujarati News

Gujarati News

News of Tuesday, 4th May 2021

શું કોરોના પીક ઉપર પહોંચી ગયો ? દિલ્હી, મહારાષ્ટ્ર સહિત ૧૨ રાજ્યોમાં કેસ ઘટી રહ્યા છે

અનેક રાજ્યોમાં કેસ સ્થિરઃ રાહતની બાબત

નવી દિલ્હી, તા. ૪ ­:. શું દિલ્હી, છત્તીસગઢ, મહારાષ્ટ્ર, પંજાબ, ઝારખંડ અને યુપીમાં કોરોના વાયરસના કેસ તેના પીક ઉપર પહોંચ્યા છે ? કેન્દ્ર સરકારના આંકડા આ બાબતનુ સમર્થન કરે છે.

સ્વાસ્થ્ય મંત્રાલયે કહ્યુ છે કે દિલ્હી, છત્તીસગઢ, મહારાષ્ટ્ર, પંજાબ, ઝારખંડ અને યુપીમાં કોરોનાના કેસમા સ્થિરતા જોવા મળી છે.

મહારાષ્ટ્રમાં ૨૪ એપ્રિલે ૬૫૪૪૨ અને ૨૦ એપ્રિલે ૬૨૪૧૭ નવા કેસ આવ્યા. દિલ્હીમાં ૨૪ એપ્રિલે ૨૫૨૯૪ તે પછી બીજી મેએ દિલ્હીમાં કોરોનાના ૨૪૨૫૩ કેસ સામે આવ્યા. છત્તીસગઢમાં ૨૯ એપ્રિલે ૧૫૫૮૩ તો ૨જીએ ૧૪૦૮૭ કેસ સામે આવ્યા.

મંત્રાલયે કહ્યુ છે કે દમણ, દિવ, ગુજરાત, ઝારખંડ, મધ્યપ્રદેશ, પંજાબ, યુપી અને ઉત્તરાખંડમાં પણ આવો જ ટ્રેન્ડ જોવા મળ્યો. મહારાષ્ટ્રના ૧૨ જિલ્લામાં પાછલા ૧૫ દિવસમાં કેસ ઘટી રહ્યા છે.

૧૨ રાજ્ય એવા છે જ્યાં દર્દીઓની સંખ્યા ૧ લાખથી વધુ છે.

(11:55 am IST)
  • સાંજે ૬ વાગ્યે : રાજકોટમાં ૪૧.૨ ડિગ્રી : તાપ અને બફારા વચ્ચે ૧૪ કિ.મી.ની ઝડપે પવનો ફૂંકાઈ રહ્ના છે. હવામાન વિભાગ કહે છે હજુ ઍકાદ - બે દિવસ ૪૧ ડિગ્રી આસપાસ તાપમાન રહેશે : બાદ ૧ થી ૨ ડિગ્રી વધવા સંભવ access_time 5:48 pm IST

  • મુંબઈમાં ડ્રાઈવ - થ્રુ વેકસીનેશન શરૃઃ સીનીયર સીટીઝનો માટે સુવિધા : દેશભરમાં સંભવતઃ પ્રથમ પ્રયોગ : ઉદ્ધવ સરકારે સીનીયર સીટીઝનો માટે ખાસ સુવિધા શરૂ કરી છે. સીનીયર સીટીઝને પોતાના વાહનમાં જ દાદર (પેસ્ટ) ખાતે ખાસ સુવિધા ઉભી કરી છે ત્યાં જવાનું મોટરની નીચે પણ નહિં ઉતરવાનું બીએમસી દ્વારા વાહનમાં જ કોરોના વેકસીન આપવામાં આવે છે. રોજના ૫૦૦૦ વેકસીનેશનની સુવિધા છે. દેશભરમાં ડ્રાઈવ - ઈન વેકસીનેશન સેવા સંભવતઃ પ્રથમ વખત મહારાષ્ટ્રમાં શરૂ થઈ છે. access_time 12:49 pm IST

  • પાંચમીએ ભાજપના મોટા પાયે રાષ્ટ્રવ્યાપી ધરણા પૂર્વે આવતીકાલે ૪ મે થી બે દિવસની પશ્ચિમ બંગાળની મુલાકાતે જે.પી.નડ્ડા દોડયા : ચૂંટણીઓ પુરી થયા પછી પશ્ચિમ બંગાળમાં વ્યાપક હિંસા અને તોફાનોના પગલે ભારતીય જનતા પક્ષના રાષ્ટ્રીય પ્રમુખ જે પી નડ્ડા મંગળવારથી પશ્ચિમ બંગાળની બે દિવસની મુલાકાતે જઇ રહ્યાનું જાણવા મળે છે. access_time 12:06 am IST