Gujarati News

Gujarati News

News of Friday, 15th January 2021

તમિલનાડુમાં ચૂંટણીના પડઘમ :પોંન્ગલ તહેવારમાં રાહુલ ગાંધી, મોહન ભાગવત અને જેપી નડ્ડા પણ પ્રવાસે પહોંચ્યા

ચેન્નાઇ : દેશમાં આજે મકરસંક્રાંતિ, બિહૂ, ઉત્તરાયણ, ઘુઘુતિયા અને પોંગલના તહેવાર મનાવવામાં આવી રહ્યા છે. દક્ષિણ ભારતના રાજ્યોમાં ખાસકરી તમિલનાડુમાં પોંગલ સૌથી ખાસ તહેવાર હોય છે. ચાર દિવસ સુધી ઉજવાતો આ તહેવારના પર્વની શરૂઆત આજથી થઇ રહી છે. આ તહેવારમાં સામેલ થવા અને તમિલ કલ્ચરને જોવા માટે કોંગ્રેસના પૂર્વ અધ્યક્ષ રાહુલ ગાંધી તમિલનાડુના પ્રવાસે છે.

આગામી મહિનાઓમાં રાજ્યમાં વિધાનસભાની ચૂંટણી યોજાવવાની છે. તેને ધ્યાનમાં લેતા રાહુલ ગાંધી સાથે અન્ય રાજકારણીઓ પણ હાલ તમિલનાડુના પ્રવાસે છે. રાષ્ટ્રીય સ્વયંસેવક સંઘ (RSS)ના પ્રમુખ મોહન ભાગવત પહેલાથી જ ચેન્નઈમાં છે. તેઓ બે દિવસના ચેન્નઈ પ્રવાસે છે. આજે સવારે તેમણે પોન્નિયમાનેડુ સ્થિત શ્રી કાદુંબડી ચિન્નામન મંદિરમાં પોંગલ પ્રાર્થના કરી છે. તે સિવાય ભારતીય જનતા પાર્ટીના રાષ્ટ્રીય અધ્યક્ષ જેપી નડ્ડા પણ આજે તમિલનાડુના પ્રવાસે છે. તેઓ ચેન્નઈમાં નમ્મા ઓરૂ પોંગલ કાર્યક્રમમાં હાજર થશTamil

રાહુલ ગાંધીએ આજે મદુરૈમાં જલ્લીકટ્ટુ કાર્યક્રમમાં હાજરી આપી. રાહુલ ગાંધીએ જણાવ્યું કે તમિલ કલ્ચરને નિહાળવું શાનદાર અનુભવ રહ્યું. મને ખુશી છે કે જલ્લીકટ્ટૂનું વ્યવસ્થિત અને સુરક્ષિત રીતે આયોજન કરવામાં આવી રહ્યુ છે, જેમાં તમામ સુરક્ષિત છે અને તમામની સારસંભાળ લેવામાં આવી રહી છે. પોંગલના અવસરે આયોજિત આ કાર્યક્રમમાં રાહુલ ગાંધી સાથે દ્રમુકના યુવા જૂથના સચિવ ઉદયનિધિ સ્ટાલિન, કોંગ્રેસના સંગઠન મહાસચિવ કેસી વેણુગોપાલ, પ્રદેશ કોંગ્રેસ કમેટીના અધ્યક્ષ કેએલ અલાગિરી અને પોંડિચેરીના મુખ્યમંત્રી વી નારાયણસામી પણ ઉપસ્થિત હતા.

અત્રે ઉલ્લેખનીય છે કે આ વર્ષે એપ્રિલ-મે મહિનામાં યોજાનારી તમિલનાડુ વિધાનસભા ચૂંટણીમાં દ્રમુક અને કોંગ્રેસ વચ્ચે ગઠબંધનની સંભાવના છે. તાજેતરમાં જ રાહુલ ગાંધી ખાનગી પ્રવાસે વિદેશ ગયા હતા અને હવે તેઓ પરત ફર્યા છે. વિદેશથી પરત ફર્યા બાદ તેઓ પ્રથમ વખત કોઈ સાર્વજનિક કાર્યક્રમાં હાજર થયા છે. જ્યારે ભાજપ પણ આ ચૂંટણી મેદાનમાં મજબૂત દાવેદારી સાથે આવવા માંગે છે, જેથી રાજ્યમાં સત્તા પર આવી શકે છે.

જોકે ભાજપે ચૂંટણીમાં પોતાના રાજકીય સાથી અંગે કોઈ જાહેરાત કરી નથી. 2019માં યોજાયેલી લોકસભાની ચૂંટણીમાં ભાજપે AIADMK સાથે ગઠબંધન કર્યું હતુ.

(12:00 am IST)
  • ભાજપ સાંસદ સાધ્વી પ્રજ્ઞાએ પોતાને મળતા પગારમાંથી 1.11 લાખ રૂપિયા રામ મંદિર નિર્માણ માટે આપ્યા : ભારત ભક્તિ અખાડા તરફથી 11 લાખ રૂપિયાનું દાન આપ્યું : વિશ્વ હિન્દૂ પરિષદને ચેક આપતી વખતે મંદિર નિર્માણમાં તેઓના સહયોગને બિરદાવ્યું access_time 6:27 pm IST

  • એ.કે.શર્મા ઉત્તરપ્રદેશમાં ભાજપના ઉમેદવાર બન્યા : ધારાસભ્ય બની પ્રધાન બનશે? : તાજેતરમાં સીનીયર આઈએએસ ઓફીસર અને ગુજરાત કેડરના શ્રી એ.કે. શર્માએ વીઆરએસ લઈ નિવૃતિ જાહેર કરી હતી. તેઓ ભાજપમાં જોડાઈ ગયા છે અને ઉત્તર પ્રદેશમાં યોજાઈ રહેલ ઉપલા ગૃહની ચૂંટણીમાં એમએલસી (ધારાસભ્ય) પદ માટે તેમના નામની જાહેરાત થઈ છે. તેઓ યોગી સરકારમાં મહત્વના પદ ઉપર પ્રધાન બની રહ્યાનું નિશ્ચિત મનાય છે. access_time 3:21 pm IST

  • જાણીતા સમાજસેવી અન્ના હજારે ખેડૂતોના સમર્થનમાં ભૂખ હડતાલ કરશે : જાન્યુઆરીના અંત સુધીમાં કૃષિ કાયદાનો કોઈ ઉકેલ નહીં આવે તો ભૂખ હડતાલ કરશે : વડાપ્રધાન મોદીને લખ્યો પત્ર access_time 11:41 pm IST