Gujarati News

નવી દિલ્હી તા. ૨૦ : નીતિ આયોગના ઉપાધ્યક્ષ રાજીવકુમારે એક કાર્યક્રમમાં કહ્યું કે, ભારતની અર્થવ્યવસ્થા ચાલુ નાણાકીય વર્ષમાં ઓછામાં ઓછા ૧૦.૫ ટકાના દરથી આગળ વધશે. જો કે વધુ પડતા અર્થશાસ્ત્રીઓનું માનવું છે કે, જીડીપી વૃધ્ધિ દર ૯.૫ ટકા રહેશે. કુમારે જોર આપીને કહ્યું કે, નાણાકીય વર્ષ ૨૦૨૩ અને ત્યારપછી પણ વૃધ્ધિ દર ૮ ટકા રહેવાની આશા છે.

તેઓએ કહ્યું કે, અર્થવ્યવસ્થા પહેલેથી જ 'W' અક્ષરની જેમ આકાર પામી ચુકી છે. 'W' અક્ષરનો અર્થ છે કે અર્થવ્યવસ્થામાં બે વાર ઘટાડા બાદ સતત વૃધ્ધિ દર નીતિ આયોગના ઉપાધ્યક્ષે કહ્યું, અમે 'W' આકૃતિના સુધારના અંતિમ ચરણમાં છે અને તે વધુ ટકાઉ રહેશે. દરેક વિશેષજ્ઞો જણાવે છે કે, અર્થવ્યવસ્થામાં મજબૂતી આવી રહી છે ત્યાં સુધી કે હોટલ જેવા કારોબારમાં પણ તેજી જોવા મળી રહી છે. આ તેજી માર્ચ ૨૦૨૨ સુધી રહેશે. તેથી આપણે માર્ચ ૨૦૨૨થી વધુ ધ્યાન આપવાની જરૂરીયાત છે.

મજબુત સુધારાના સંભાવનાનું સંકેત આપીને ભારતીય રીઝર્વ બેંકે ચાલુ નાણાકીય વર્ષમાં ૯.૫ ટકા વૃધ્ધિ દરનો અંદાજ લગાવ્યો છે. પ્રાઇવેટ રોકાણમાં તેજીના અણસાર વિશે પૂછવા પર કુમારે કહ્યું કે, તેમાં તાત્કાલિક ધોરણે તેજી આવશે નહીં.

પ્રાઇવેટ મૂડીગત ખર્ચ વધારવા માટે બેંકોને ફકત એએએ રેટીંગ પર જ ધ્યાન આપવું જોઇએ નહિ. સરકાર અને પ્રાઇવેટ ક્ષેત્ર વચ્ચે વિશ્વાસ વ્યકત કરવા સતત પ્રયાસ કરવામાં આવી રહ્યા છે.

નીતિ આયોગના રાજીવ કુમારે કહ્યું કે જો આપણે સામાન્ય રીતે વૃદ્ઘિ પામીએ અને ક્ષમતાનો ઉપયોગ ૭૦ થી ૮૦ ની વચ્ચે રહે તો ખાનગી રોકાણ ૨૦૨૨ના કવાર્ટર ૩ અથવા કવાર્ટર ૪ માં વધશે. અમારા માટે ઘણું મોડું થઈ જશે. આપણે પહેલા તેને વધારવાની જરૂર છે. 'અમે આગામી નાણાકીય વર્ષના બીજા કવાર્ટર સુધીમાં ખાનગી રોકાણમાં સંપૂર્ણ રિકવરીની અપેક્ષા રાખી શકીએ છીએ.'

કુમારે કહ્યું કે છેલ્લા ૨૪ મહિના દરમિયાન સંપત્ત્િ। મુદ્રીકરણ, ઉત્પાદન આધારિત પ્રોત્સાહનો, ખાનગી ભાગીદારી મોડેલ જેવા ઘણા સુધારા કરવામાં આવ્યા છે જે ખાનગી રોકાણમાં વધારો તરફ દોરી જશે.

નુકસાનના જોખમો વિશે વાત કરતા કુમારે વૈશ્વિક વિકાસ દર અંગે ચેતવણી આપી હતી, જે નરમ પડવા લાગી છે.ઙ્ગ ઉર્જા સહિતની ચીજવસ્તુઓના ભાવ વધી રહ્યા છે. તેથી આપણે નથી જાણતા કે આપણે કઈ દિશામાં જઈ રહ્યા છીએ અને તે જોખમ છે. ચીપની અછત સમગ્ર વિશ્વમાં આપણને પરેશાન કરી રહી છે. તેમણે કહ્યું કે મારી દલીલનો સાર એ છે કે આ સાતમું વર્ષ છે અને આ કોવિડ ઇમરજન્સી સમયગાળો આપણા દેશમાં સુધારા માટે સૌથી વ્યસ્ત સમયગાળો રહ્યો છે.

સરકારી યોજનાઓના અમલીકરણ અંગે તેમણે કહ્યું કે નીતિ આયોગે ખર્ચ વિભાગ સાથે મળીને ૩૬૦ યોજનાઓનું મૂલ્યાંકન કર્યું છે જેથી તેમના પ્રદર્શનના પરિણામોના આધારે તેમને બજેટ ફાળવી શકાય. તેમણે કહ્યું, 'મને છેલ્લા પખવાડિયામાં રાજય સરકારો તરફથી ત્રણ પત્રો મળ્યા છે કે તેઓ આગામી સમયમાં તેમના મોનિટરિંગ અને મૂલ્યાંકન અધિકારીઓને મજબૂત કરવા માગે છે.'

તેમણે કહ્યું કે ગ્રાહકો, ખાસ કરીને ઉચ્ચ અને મધ્યમ વર્ગનો આત્મવિશ્વાસ વધી રહ્યો છે, પરંતુ આપણે નીચલા વર્ગને ધ્યાનમાં લેવાની જરૂર છે. તેમણે રાજકોષીય જગ્યા પર સવાલ ઉઠાવ્યો જે અમને મહેસુલી સંગ્રહમાં મજબૂત વૃદ્ઘિથી મળ્યો. તેને કેવી રીતે સંતુલિત કરવું - રાષ્ટ્રીય દેવું ઘટાડવું (જે આશરે ૯૦ ટકા છે) અથવા વપરાશ વધારવા માટે તેનો ઉપયોગ કરવો, જે ખાનગી રોકાણના ચક્રને વધારવામાં મદદ કરી શકે છે.