Gujarati News

લંડન,તા. ૨૫: સિંહને જંગલનો રાજા કહેવામાં આવે છે કારણ કે તેના ઘણા કારણો છે. સિંહની ગર્જના સાંભળીને સૌ કોઈ ભારે આઘાતમાં પહોંચી જાય છે, પરંતુ કલ્‍પના કરો કે જો સિંહ તેની ગર્જના ભૂલી જાય તો, તો તે ખૂબ જ આશ્ચર્યજનક હશે. આવો જ એક કિસ્‍સો સામે આવ્‍યો છે જયારે એક સિંહ તેની ગર્જના ભૂલી ગયો. એટલું જ નહીં, તે એક સાથે ઘણી વસ્‍તુઓ ભૂલી ગયો. આ પછી તે અસ્‍વસ્‍થ થઈ ગયો હતો અને હવે તેને નવું જીવન આપવામાં આવી રહ્યું છે.

ખરેખર, આ સિંહનું નામ રુબેન છે. દુનિયાનો આ એક માત્ર સિંહ છે જે ગર્જના કરવાનું ભૂલી ગયો. રિપોર્ટ અનુસાર, રુબેન અરમેનિયાઈ -અઝરબૈજાન સરહદ પર બનેલા પ્રાણી સંગ્રહાલયમાં હતો. આ પ્રાણી સંગ્રહાલયમાં રહેતું તે એકમાત્ર પ્રાણી હતું જે તેના માલિકના મૃત્‍યુ પછી બંધ કરવામાં આવ્‍યું હતું. છેલ્લા પાંચ વર્ષથી સિંહને નાના પાંજરામાં રાખવામાં આવ્‍યો હતો. અન્‍ય સિંહોની સંગત પછી તે ઘણું બધું ભૂલી ગયો હતો.

તે ગર્જના કરવાનું ભૂલી ગયો હતો, ફક્‍ત કેટલીકવાર તે કઠોર રીતે રડતો હતો. વન્‍યપ્રાણી અભયારણ્‍યના અધિકારી એ જણાવ્‍યું હતું કે, માલિકના મૃત્‍યુ બાદ પ્રાણી સંગ્રહાલયમાં અન્‍ય તમામ પ્રાણીઓને બચાવી લેવામાં આવ્‍યા હતા પરંતુ રુબેન માટે કોઈ જગ્‍યા નહોતી. સિંહો પારિવારિક જૂથોમાં રહે છે અને એકબીજા સાથે વાત કરે છે, ગર્જના કરે છે.

રુબેનની ઉંમર લગભગ ૧૫ વર્ષની છે અને ઉપેક્ષાને કારણે તે ગુંચવાયેલા વાળ, ક્ષતિગ્રસ્‍ત દાંત અને શંકાસ્‍પદ ન્‍યુરોલોજીકલ સ્‍થિતિ સાથે નબળી હાલતમાં છે.

રુબેનને ન્‍યુરોલોજીકલ સમસ્‍યાઓ છે, સંભવિત રીતે કરોડરજ્જુમાં સમસ્‍યા છે. તે ચાલતી વખતે ધ્રૂજી ઊઠે છે અને ક્‍યારેક તેના પગ તેની નીચે વળે છે, પરંતુ તે આમતેમ ફરી શકે છે. તેને ગર્જના કરવાનું પણ શીખવવામાં આવશે.